Kroazada fahadimy

Ny kroazada fahadimy (1217-1221) dia fanafihana miaramila mifanesy nataon' ny Kristiana ka ny tanjona tamin' izany dia ny nanani-bohitra ny soltanata aiobidan' i Ejipta sy ny haka ny ampahan-taniny mba hahafaha-mampifanakalo ny tany azo amin' ny tanin' ny Fanjakan' i Jerosalema taloha izay ambany fifehezana aiobida. Tsy nahomby izany kroazada izany vokatry ny tsy faneken' i Pelagio Galvani, solontenan' ny papa (legata), sy ny tsy fahafantarany ny pôlitika ao amin' io faritra io, izay nahatonga azy handa ny fifampiraharahana tamin' ny fotoana nahamety izany.

AntsipirianyModifier

Ny kroazada fahadimy dia nialohavan' ny Kroazadan' ny Ankizy (tamin' ny taona 1212). Nampiasa ny paikadin' ireo teo alohany ny papa Hônôrio III ka nikendry indraimandeha an' i Ejipta.

Ny fanafihana voalohany tamin' ity kroazada fahadimy dia natao tamin' ny seranan-tsambon' i Damieta (frantsay: Damiette) tamin' ny taona 1219. Ny fakana ny tanànan' i Kairo sy ny fanafihana mitohy mba hiantohana ny fifehezana an' i Sinay (na Sinaia) no tanjona manaraka. Tamin' ny farany dia navela ny fanafihana an' i Kairo, noho ny tsy fisian' ny mpanatevin-daharana nampanantenain' ny emperoran' ny Empira Masina, i Friedrich II (frantsay: Frédéric II). Tamin' ny volana Aogositra 1221 dia voahodidina ny mpisalotra vokovoko ka namela an' i Damieta tamin' ny Ejipsiana ho takalon' ny fahafahan' izy ireo. Rava ka niparitaka izy ireo tamin' ny volana Septambra 1221.

Jereo koaModifier