Kônstantino I

(tonga teto avy amin'ny Konstantino I)
Konstantino I
0 Gaius Flavius Valerius Constantinus - Palatino.JPG
Ankapobeny
Anarana Konstantino I
Teraka 27 Febroary 274
Maty 23 Mey 337
Fiaviana sy ny andraikitra
Firenena Roma Taloha, Empira Romana
Asa :
Fiainana manokana

Kônstantino I na Kônstantino Lehibe dia emperora romana tao amin'ny Empira Romana tamin'ny taona 306 hatramin'ny taona 337, teraka ny 27 Febroary 274 tao Naisosy ao Mesia (i Niš ao Serbia ankehitriny)ary maty ny 23 Mey 337. Izy no emperora voalohany niova ho kristiana. Izy koa no nanorina an'i Kônstantinôpôlisy (i Istanbul ankehitriny), izay nataony renivohitry ny fanjakany ka nitoetra ho renivohitry ny Empira bizantina hatramin'ny taona 1453.

Amin'ny teny latina dia atao hoe Flavius Valerius Aurelius Constantinus izy.

Ny fiainany manokanaHanova

I Kônstantio Klôro no rainy. I Helena no reniny. Ny vadiny dia Minervina (taona 293 - 307) avy eo i Faosta (taona 307 - 327). Ny zanany tamin'i Minervina dia i Krispo, ny tamin'i Faosta dia i Kônstantina, i Helena, i Konstantino II, i Konstanta ary i Konstantio II. Ny rahalahiny sy ny rahavaviny dia i Flavio Dalmatio, i Flavio Jolio Kônstantio, i Flavia Jolia Kônstantia, i Eotrôpia ary i Anastasia.

Natao hoe Flavius Valerius Aurelius Constantinus izy raha mbola kely.

TantaranyHanova

FanavaozanaHanova

Ny emperora Kônstantino I dia nanao fanavaozana teo amin'ny politika ara-tafika sy ara-pivavahana ary ara-toekarena, izany no nahafahany namondrona ho eo ambany fahefany irery ilay Empira rômana efa malemy sady nizarazara. Noreseny i Maksentio (latina: Marcus Aurelius Valerius Maxentius) tamin'ny taona 312 tamin'ny ady tao Milvio, sy i Likinio (latina: Flavius Galerius Valerius Licinianus Licinius) tamin'ny taona 324 tamin'ny ady tao Andrinôpôlisy.

Fanalalahana ny fivavahanaHanova

Nanomboka ny fahalalahan'ny fivavahan'ny tsirairay tamin'ny androny, ka tapitra hatreo ny fanenjehana ny Kristiana tamin'ny alalan'ny Didin'i Milano tamin'ny taona 313. Natsahany ny tsy fifanarahana teo amin'ny Fiangonan'ny Atsinanana tamin'ny nampanaovany ny Konsily tao Nikea tamin'ny taona 325, ka izany no niantombohan'ny fahefany tamin'ny raharaham-pivavahana, izany no atao hoe kaisaropapisma na sezaropapisma. Ireo fanavaozana sy fanitsiana nataony ireo dia nanampy ny firoborobon'ny fivavahana kristiana, izay lasa fivavahany taty aoriana, ka iheverana azy ho isan'ny olo-masina ao amin'ny Fiangonana ôrtôdôksa.

Fampandrosoana ara-toekarenaHanova

Afaka namboatra vola marin-toerana i Konstantino tamin'ny taona 312, dia ny solidus. Nandroso ny fitantanana ny raharaham-panjakana foibe. Voarony tamin'ny Franka sy ny Alamàna sy ny Sarmatiana sy ny Gôty ary ny Sasanida ny sisin-tanin'ny fanjakany.

Jereo koaHanova

Rohy ivelanyHanova

  • Ao amin'i Freebase: [1]
 
Mbola ambangovangony ity lahatsoratra ity ary tokony hofenoina.

Azonao atao ny mandray anjara eto amin'ny Wikipedia amin'ny alàlan'ny fanitarana azy.
Jereo koa ny pejy Ahoana ny manao takelaka rehefa te-hijery hoe ahoana no fanaovana azy.