Asklepiôsy
I Asklepiôsy, ao amin' ny fedrà grika, dia olona mahery fo tesaliana resahina ao amin' ny epôpea hômerika, avy eo, tamin' ny vanim-potoana klasika, dia andriamanitra grika-rômana misahana ny fitsaboana. Amin' ny teny grika izy dia iatao hoe Ἀσκληπιός / Asklêpiós, fa amin' ny teny latina kosa dia Aesculapius. Zanakalahin' i Apôlôna izy, maty nokapohin' i Zeosy noho ny nananganany ny maty, talohan' ny nametrahana azy tany an-danitra tamin' ny endriky ny antokon-kintan' ny Bibilava (Serpentarius).
Ny zavatra tena maneho ny toetrany dia ny tehin' i Asklepiôsy, izay ihorongoronan' ny bibilava iray, mariky ny fitsaboana (tsy tokony hafangaro amin' ny tehin' i Merkiora na tehin' i Hermesy izay ihorongoronan' ny bibilava roa).
Ao Epidaorôsy (Eπίδαυρος / Epidauros) no toeram-pivavahana lehibe aminy, izay anasitranany ny mpanao fivahiniana masina amin' ny alalan' ny fandriana ao amin' io toerana io (incubatio (fr). Tokavina ao amin' ny fianianan' i Hipôkraty miaraka tamin' i Apôlôna rainy sy ny zanany vavy Higea (Ὑγεία / Hugeía) sy Panakea (Πανάκεια / Panákeia) izy. Izy no razambe ara-pedràn' ny Asklepiada, tarana-mpanjaka ao Kos (Κῶς) sy Knidos (Κνίδος), izay i Hipôkraty no mpikambana malaza indrindra.