Alarobian' ny Lavenona
Ny Alarobian' ny Lavenona, amin' ny Katôlika, ampitson' ny Talata Matavy, dia andro fivalozana izay manamarika ny fanombohan' ny fari-potoan' ny Karemy izay maharitra efatra andro. Fety miovaova daty izany. Amin' ny Fiangonana tatsinanana dia ny Alatsinainy Madio no manamarika ny fidirana amin' ny Karemy roa andro alohan' ny Alarobian' ny Lavenona, izany hoe 48 andro alohan' ny fetin' ny Paka (na Paska).
Io anarana io dia avy amin' ny lanonana izay anisiana sarin' ny Hazofijaliana amin' ny lavenona eo amin' ny handrin' ny mpino ho famantarana ny fivalozana. Ny lavenona dia avy amin' ny fandoroana ny sampan-kazo nampiasaina tamin' ny Alahadin' ny Sampan-kazo tamin' ny taona lasa (ilay Alahadin' ny Sampan-kazo izay nankalazaina herinandro iray alohan' ny Paka) sady notsofin-drano ny ampitson' io. Nanomboka tamin' ny Sinaodan' i Benevento tany Italia tamin' ny taona 1091 no lasa fanaon' ny maro ny mankalaza ny Alarobian' ny Lavenona.