Tsy maintsy manaraka ny fitsipika momba ny lahatsoratra ny lahatsoratra hosoratana ato, tsy manana ny toerany ato ny asa noforonina.
Ny wikipedia dia tsy diksionera na toerana fanaovana propagandy na dokam-barotra na politika na gazety, sns. Jereo ny pejy Ny tsy tokony ho wikipedia ho an'ny antsipirihany.
Ny Fijerena tsy mitongilana dia ny fijerena manaraka ny fahamarinan'ny hevitra. Ny fahamarinana dia tsy miankina amin'ny finoana na fahalalan'ny tsirairay fa ny lalàna voajanahary na lalàna iraisana tsy hazo hiadian-kevitra.
Ny pejy rehetra eto amin'ny wikipedia dia amban'ny lisansa CC-By-SA 3.0 . Ny fanovana ny pejy dia malalaka ho an'ny rehetra. Izay pejy tsy mifanaraka amin'ny CC-By-SA dia tokony tsy aseho eto amin'ny wikipedia.
Io lisansa io dia afahana mamorona, mandika, manova ary mizara ny votoatin'i Wikipedia. Ny fepetra mila hajaina dia ny mitazona io lisansa io rehefa mandika, manova sy mizara. Mety ho zarazarain'iza na iza ny lahatsoratra napetraka tato amin'ny Wikipedia, ary mety ampandoavana vola mihitsy aza.
Tsy manana fitsipika hafa ny Wikipedia afa-tsy ireo fitsipika nosoratana ireo.
Aza matahotra manoratra manova sy mamafa pejy ianao. Ovay amin'ny tanjon'ny fanatsaràna ny lahatsoratra hitanao tsy feno. Tsy maninona raha tsy tonga lafatra avy hatrany ny lahatsoratra eto. Rehefa manaraka ny fitsipika sy ny fepetra izy ireo dia azo avoaka eto foana.
Mahasahia manoratra. Aza miandry hahafantatra ny antsipirihan'ny fitsipika vao manomboka: raha misy diso ny ataonao eto, ho voahitsin'ny mpandray anjara hafa izy ireo. Tsy hanakorontana ny fikambanan'i Wikipedia izany.
.jpeg)
