Tsiny
Ny tsiny, eo amin' ny kolontsaina malagasy nentin-drazana, dia fanamelohana (mety ho loza) mihatra amin' ny olona iray na maro vokatry ny fahadisoana niniana natao na tsy nahy, izany fanamelohana izany dia azo sorohina mialoha, ka ny mpanome tsiny dia mety ho ny fiarahamonina, ny Razana, ny Zanahary na ny hery tsy hita samihafa. Izay nanao ny fahadisoana ihany no iharan' ny tsiny, ka tsy mitovy amin' ny tody izay mety mihatra koa amin' ny taranaka.
Ohabolana momba ny tsiny
hanova- Amalom-boasira, ka tsy misy tsiny intsony.
- Andriamanitra tsy omen-tsininy, Zanahary tsy omem-pondro, fa ny olombelona no be siasia.
- Aza atao famaky manan-tsiny amin’ izay kiakiak’ akoho.
- Mandihy be volon-kelika: mahay manan-tsiny, tsy mahay manan-tsiny.
- Mpanao soa am-po ka ihandronan' ny tsiny.
- Ny tenda toy ny razan-dratsy: omem-be tsy mitahy, omen-kely manome tsiny
- Ny tsiny no azo alana fa ny tody tsy misy fanafana.
- Ny tsiny lala-malama: izay tsy miala no lavo.
- Ny tsiny toy ny rivotra: mikasika ny tena fa tsy hita tarehy.
- Ny tsiny tsy mba mivongovongo tahaka ny rahona, fa misokosoko tahaka ny fanala, tsy hita ka mahangoly.
- Ny vady hariana maro tsiny.
- Petak' orona sy dondon-kandrina: ny iray iva tsy anomezan-tsiny, ny iray avo tsy anomezam-pondro, fa izay vitan-Janahary ifaliana.
- Tsy manao, be fondro; manao, be tsiny.
- Tsy misy mahita kilema momba tena, na tsiny amin' olon-tiana.
- Vady hariana be tsiny; zanak' olon-tsy vadina toa soa; tsy rafozana toa bohaka.
- Vehivavy tsara tarehy petaka orona: voantondro iray monja no tsininy.