Ny matoanteny mitampody, araka ny fitsipiteny, dia matoanteny ahitana mpisolo tena fameno miaraka aminy izay mitovy laharana amin'ny mpisolo tena mitana ny anjara asa lazaina na lafika ao amin'ny fehezanteny misy azy. Io mpisolo tena fameno io dia mety hitana anjara asa fameno zoina mivantana na fameno zoina tsy mivantana izay manondro ny olona na zavatra tondroin'ny teny misahana ny anjara asa lazaina ihany. Indraindray dia tsy ny hevitry ny fitampodian'ny asa ihany no mety ho voiziny fa ny hevitra mitoina na mifanao koa. Mihevitra ny mpanao fitsipiteny sasany dia fa fiendrika na fitodika mahaleo tena ny endri-matoanteny mitampody ka lasa fiteny ny hoe fiendrika na fitodika tampody. Amin'ny fiteny eoropeana sasany, toy ny fiteny frantsay, no ahitana ny matoanteny mitampody. Ireto avy ny hevitra na fitodika mety hananan'ny matoanteny mitampody: hevitra mitampody, hevitra mitoina na mifanao, hevitra anoina na iharana ary hevitra manano na mpanao.

Hevitra ara-pitsipitenin'ny matoanteny mitampodyHanova

Hevitra mitampodyHanova

Ny fiteny frantsay sy ny fiteny eoropeana maro (indrindra ny fiteny avy amin'ny fiteny latina) dia mampiasa mpisolo tena mitovy laharana amin'ny lazaina, nefa tokony hahalaza maro izany mpisolo tena izany.

Ohatra:

Je me regarde dans le miroir ("Mijery fitaratra aho"; ara-bakiteny: "Mijery tena ao amin'ny fitaratra aho")

Pedro se lava ("Misasa i Pedro").

Ny fiteny malagasy dia mampiasa ny teny hoe tena mba hananterana ny fitampodian'izay atao amin'ny mpanao azy nefa matetika tsy ilaina izany. Ny fiteny anglisy kosa mampiasa ireto mpisolo tena ireto: myself, yourself, himself, herself, itself, ourselves, yourselves, themselves mba handikana ny fitampodian'ny asa atao amin'ny mpanao azy.

Hevitra mitoinaHanova

Ny fiteny frantsay dia mampiasa mpisolo tena mitovy laharana amin'ny lazaina, nefa tokony hahalaza maro izany mpisolo tena izany.

Ohatra:

Ils s'envoient des cadeaux. ("Mifandefa fanomeana izy ireo")

Ny fiteny malagasy dia mampiasa ny fitodika mpifanao na ny fiendrika mitoina (ahitana ny tsofolka -if-) mba handikana io endriky ny matoanteny fratsay io. Mampiasa ny teny hoe each other na one another ny fiteny anglisy mba handikany ny fifampitoinana.

Hevitra anoinaHanova

Ny fiteny frantsay dia mampiasa mpisolo tena mitovy laharana amin'ny lazaina.

Ohatra:

Ce journal se vend au librairie. ("Amidy ao am-pivarotam-boky ity gazety ity", fa tsy hoe: "Mivaro-tena ...")

La porte s'est refermée brusquement ("Nikatona tampoka ny varavarana").

Hevitra mañanoHanova

Ny fiteny frantsay dia mampiasa mpisolo tena mitovy laharana amin'ny lazaina.

Ohatra:

Elle s'en va ("Lasa izy").

Jereo koa:Hanova