Horita (vahoaka)

Ny Horita na Horeana na Horiana dia vahoaka nonina tao Azia Minora (na Anatôlia) tamin' ny Andro Taloha. nandritra ny Andron' ny Alimo. Nanorina ny fanjakan' i Horý na Harý izy ireo tamin' ny fiandohan' ny taonarivo faharoa tal. J.K., tao amin' ny faritra mifanila ao amin' ny tapany avaratr' i Mesôpôtamia. Miteny amin' ny fiteny horita izy ireo.

Faritra nonenan' ny Horita tamin' ny andron' ny alimo.

Vorakitra an-tsoratra voalohany tao amin' ny tanànan' i Urkesh, izay nanorenan' izy ireo ny fanjakany voalohany, ny Horiana. Ny fanjakana horiana lehibe indrindra sy nanan-kery indrindra dia i Mitanni. Ny mponina ao amin' ny Empira Hitita ao Anatôlia dia nahitana mponina horita be dia be, ary misy fiantraikany lehibe amin' ny fedrà hitita ny an' ny Horita. Tany am-piandohan' ny Andron' ny Vy dia nifangaro amin' ny vahoaka hafa ny Horiana. Ny fanjakan' i Urartu tatỳ aoriana dia nandrakotra ampahany tamin' io faritra io.

Fiteny horita

Ny fiteny horita dia fitenin' ireo Horita nanodidina ny taona 2300 tal. J.K. ary nanomboka tsy hita intsony manodidina ny taona 1000 tal. J.K. Heverin' ny maro fa ny mponina niteny an' io fiteny io dia mety avy amin' ireo faritra avo any Armenia ka niparitaka any amin' ny tapany atsimo-atsinanan' i Anatôlia sy ao amin' ny tapany avaratr' i Mesôpôtamia tamin' ny fiantombohan' ny taonarivo faha-2 tal. J.K.