Eklesia Episkopaly Malagasy
Ny Eklesia Episkopaly Malagasy, hafohezina amin'ny hoe EEM, dia anarana iantsoana ny Fiangonana anglikana eto Madagasikara.[1]
Tany am-piandohana dia mbola Diosesy tokana ny teto Madagasikara ka nantsoina hoe Diosesin'i Madagasikara. Tamin'ny volana Janoary 1969 kosa no nanambarana tamin'ny fomba ofisialy tao amin'ny Katedraly Santa Laurent Ambohimanoro ny fizaran'ny Diosesy ho telo teto Madagasikara dia ny Diosesin'Antananarivo, ny Diosesin'Antsiranana ary ny Diosesin'i Toamasina. Nijoro tamin'izany fotoana izany ihany koa ny Foibe Eklesia Episkopaly Malagasy. Ankehitriny moa dia mandrafitra ny EEM ireo Diosesy enina misy eto Madagasikara, dia:
- ny Diosesin'Antananarivo,
- ny Diosesin'Antsiranana,
- ny Diosesin'i Toamasina,
- ny Diosesin'i Mahajanga,
- ny Diosesin'i Fianarantsoa,
- ny Diosesin'i Toliara.[2]
Ny Foiben'ny Eklesia Episkopaly Malagasy (FEEM) no rafitra mampivondrona azy ireo, izay tarihin'ny filohany ankehitriny dia ny Mgr Ranarivelo Samoela Jaona, Evekan'ny Diosesin'Antananarivo.[1] Ny EEM dia mpikambana eo anivon'ny Fiombonan'ny Fiangonana Kristiana eto Madagasikara (FFKM).
Marihina fa ireo Diosesy malagasy, miaraka amin'ny Diosesin'i Maorisy sy Seychelles no mandrafitra ny Eklesia Anglikana eo amin'ny Ranomasimbe Indiana, tarihin'ny Arseveka ankehitriny Sa Grâce Mgr James Wong, ary miombona ao amin'ny Firaisambe anglikana na Fiombonam-be anglikana[3] (Anglican Communion) izay mampifandray ny Anglikana maneran-tany.
Jereo koa:Hanova
Rohy ivelanyHanova
LoharanoHanova
- ↑ 1,0 et 1,1 https://www.worldanglican.com/madagascar/tananarive/the-church-of-the-province-of-the-indian-ocean/the-rt-revd-samoela-jaona-ranarivelo
- ↑ http://dioceseoftoliara.org/2016/08/11/a-brief-history-of-the-diocese-of-toliara/
- ↑ "Fifaneken'ny Fiangonana Anglikana" ao amin'ny Anglican Communion. (Jereo ny andininy faha-4 ao amin'ny takila faha-2 ao amin'ilay takelaka PDF.