Basesa
Ny basesa dia karazan-dihy malagasy toy ny salegy, dihy tranainy, nentim-paharazana, mbola fanao any amin' ny faritra misy Betsimisaraka ny basesa. Dihy an-danonana ny basesa, izay tsy resin' ny fanatontoloana sy ny fivoarana avy any ivelany fa mitazona ny toerany. Toy ny tsy lanonana ny lanonana tsy misy basea eo amin' ny Betsimisaraka, toy ny afindrafindrao izay dihy malaza be manerana ny Nosy.
Maro ny fihetsika asehon' ny basesa fa ny tena misongadina dia ny fampiahodinkodinana ny andilana. Ny lehilahy no mitarika ny hetsiky ny vehivavy mandritra ny fandihizana. Somary miadana ny gadona na dia natao handihizana aza ny mozikany. Ny mozikan' ny basesa dia somary nentim-paharazana. Ny lohahevitry ny tonon-kira kosa dia tena midadasika, saika tsy mifidy zavatra holazaina, izany hoe tsy mifantoka amina lohahevitra tokana ny mpihira. Ny zavamaneno ampiasain' ny mpitendry dia angorodao sy ny pianô, indraindray misy amponga.