Wikipedia:Baiboly

Ny teny hoe Baiboly (avy amin'ny teny grika hoe τὰ βιβλία /ta biblia/) dia ilay boky izay inoan'ny Kristianina ho tenin'Andriamanitra.

Iza no nandika ny Baiboly amin'ny teny merina?

Araka ny tantara, dia Rév. David Jones, izay tonga tao Antananarivo ny 04/10/1820, sy Rév. David Griffiths (15/05/1821) izay samy avy amin'ny London Missionary Society, no nanomboka nandika ny baiboly tamin'ny teny merina ary ny Filazantsaran'i Lioka no nanombohana izany niaraka tamin'ny mpianatr'izy ireo roapolo lahy. Tamin'ny taona 1830 no vita tanteraka ny Testamenta vaovao ka dika 3 000 no naparitaka. Mandrak'ankehitriny dia io dikanteny io, izay mety ho nisy fanavaozana ihany taty aoriana no ampiasain'ireo Fiangonana protestanta dia tsy iza fa ny FJKM (fitambaran'ireo fiangonana mpandova ny fampianaran'ny Misionera protestanta anglisy sy frantsay), ny FLM, ny EEM ary saika mapiasa io dikanteny io daholo ireo Fiangonana zandriny izay niorim-paka manerana an'i Madagasikara taty aoriana.

Rohy hamakiana baiboly

• Hamakiana ny baiboly protestanta amin'ny teny malagasy http://www.baiboly.org
• Hamakiana ny baiboly katolika amin'ny teny malagasy http://baiboly.katolika.org
• Inona ny Filazantsara?