Sivilizasiona minôana

Ny sivilizasiona minôana dia sivilizasiona tamin' ny Andro Taloha izay nivoatra tao amin' ny nosy Kreta sy Santorini ary mety tamin' ny ampahany be amin' ny Ranomasina Egea any amin' ny faritra atsimon' i Gresy, tamin' ny taona 2700 hatramin' ny 1200 tal. J.K..

Ny "Andriandahin' ny Lilia" dia ampahany amin' ny sary hosodoko mivohitra natao amin' ny rindrina, natao tamin'ny taona 1550 tal. J.K. Mozea arkeôlôjikan' i Herakliôna.

Faritra tratran' ny sivilizasiona minôana

Nahazo ny anarany tamin' ny anaran' ilay mpanjaka malaza atao hoe Minôsy (grika: Μίνως / Mínôs), tantaraina amin' ny fedrà grika, io sivilizasiona io. Ilay arkeôlôga anglisy Arthur John Evans no nanambara ny fisiany tamin' ny fiandohan' ny taonharo faha-20. Tsy fantatra izay anarana niantsoany ny tenany, fa ny Egiptiana fahiny dia niantso azy hoe Kaphti, ary ny teôria sasany, miorina amin' ny asa soratra avy amin' ny tanànan' i Mari, dia mazàna miantso ny nosy Kreta hoe Kaptara.