Fjor~mgwiki

Fanehoan-kevitra: Amzao fotoana izao de dia tena manahirana mihitsy ny mandersy lahatra ny olona raha ny resaka famadihana no lazaina. Raha ny marina dia tsy misy tombontsoa azo avy amin`io na kely monja aza. Ny fatiantoka no vokany ary tena mihoapapana aza izany fatiantoka izany. Andeha hojerentsika miaraka izany ka hofakafakaina eo ny lafiratsy azo avy amin`ny famadihana. 1-Lafiny ara-toe-karena: Raha ny lafiny ara-toe-karena no jerena dia tsampa sy hita ankehitriny fa tena mihemotra tanteraka izany, indrindra fa ny tantsaha izay tena mampihatra ny famadihana. Inona no antony? Tostra ihany, ny fihariana rehetra mandritry ny 5(dimy) taona dia lany ao anatin`ny 3(telo)andro monja izay fotoana hanatanterahana ny famadihana. Matetika aza dia saika mivarotra fanana(tany, omby, kisoa sns) ny olona rehefa vita ny famadihana. Mihary mandritry ny 5 taona mba holaniana 3 andro. Vokany dia tsy misy zavatra mitambatra mihitsy izany ho an`ny tantsaha. Raha atao indray mijery, tany amin`ny taona 1980 tany ho any, raha ny olona farany tsy manana omby no jerena dia 3 no omby hita ao ambalany, ary ny manana maro dia mahatratra hatrany amin`ny 40 mahery any ho any. Amzao anefa dia ny manana indrindra raha omby no lazaina dia 5 no isany, ny ny tsy manana dia tsy hita soritra intsony na ny toerana nisy ny valanombiny aza. 2- Ny lafiny fihavanana: Tsy mitombina ny voalaza fa manamafy fihavanana amin`ny samy mpihavana ny famadihana. Ny antony dia izao: tsy mitovy ny fari-pananan`ny mpiara-mitodra, misy ny manana misy ny tsy manana, rehefa tonga anefa ny fotoam-pamadihana dia terena handoha anjara mitovy amin`ny manana ny tsy manana. Fa raha rehefa tsy mahalo adidy dia alaina aminy ny anjara lova ananany, na roasina miala tsy ho mpiara-mandova intsony satria tsy mahavita ny adidy atao amin`ny maty. Noho izany dia mitranga ny ady sy ny lonilony eo amin`ny mpiray tampo, ny esoeso isan-karazany eo amin`ny vadin`ny mpiray tampo(ny vinantovavy no tiana hambara eto), ka eo no mitranga ny ady ho an`ny mpirahalahy satria samy mihaino ny tenimbadiny. Vokany ady no hita rehefa tonga ny fotoam-pamadihana, efa samy miandry io fotoana io ny rehetra mba hamoahana ny ao am-po, misy ny misotro toaka be mba hanampy amin`ny fitenenana, hanome hery sy fahasahiana. Ny mody hendry dia miandry ny famadihana ho vita aloha vao mamoaka ny heviny mba hialana amin`ny fahafaham-baraka ao akatroky ny raharaha. Noho izany vokatry ny famadihana dia miha ratsy ny fihavanana, rava tanteraka aza izany ka tsy tafarina intsony. Misy aza ny ahatongavan`ny sasany eo(ny mpanotrona dia ny hiady sy hiaza olona mihitsy no ahatongavany eo noho ny lonilonim-po efa nisy tany aloha elabe. 3-Tsy misy fitahiana azo avy amin`ny razana: Araka ny filazan`ny sasany dia mitahy ny razana, tonga dia lavina avy hatrany fa tsy mitombina izany. Tena diso tanteraka io fiheritreretana io. Raha mitahy ny razana dia ny kamboty no manan-karena voalohany, satria raha manana hery mitahy ny razana dia tsy hijery fotsiny ny zanany noana sy rovitra akanjo eny rehetra eny. Ny maty dia toy ny vatan-kazo ihany rehefa maty, tsy manana hery mitahy ny velona izy, raha misy izay maty miseho amin`ny velona dia hery hafa sy maizina ihany izany ary fitaka sy sandoka avy amin`ny devoly. 4-Manimba ny fahasalamana: Tena simba tanteraka ny lafiny fahasalamana noho ny famadihana. Ny antony ny faty dia tsy tokony ho sokafana amin`ny toerana misy azy. Mamokatra mikiraoba maro io. Ary tena virus matanjaka mihitsy aza no mivoaka ao. Izay no antony maha maro ny aretina rehefa manomboka mivoha ny fasana. Iarahantsika mahita fa amin`ny faritra izay ahitana ny famadihana dia mirongatra izay tsy izy ny aretina ary saika mitovy ny fisehony. Ny antony dia tsotra fa rivotra iray no manaparitaka ny aretina, ary ny aretina dia tsy avy aiza fa avy amin`ny faty ihany. Iza ary no afaka manome fitahiana ka mampitombo ny harinkarena?: Ny valiny dia tsotra Andriamanitra ihany no afaka manome fitahiana. Izy tsy mampiady ny olona fa mampihavana ny olona, tsy tia ady Izy fa tia fihavanana. Izy ihany koa no afaka manome ny fitahiana, fa voalohany indrindra dia miasa isika mba hisy ny fitahiana. Raha tsy miasa isika dia tsy hisy ny fitahiana. Hotahiana anie ny asa izay ataonareo, izany no voalaza. Noho izany dia tena tsipahina eto ny filazana fa mitahy ny razana. Andriamanitra irery ihany no afaka manome fitahiana antsika olom-belona. Natolotra teo ary ny momba ny famadihana, na izany ara-toe-karena, na izany ara-pihavanana na izany ara-pahasalamana, na ara-pinoana dia samy hita ny voka-dratsy aterany. Ka inona no azonao tsoahina raha mamaky ity lahatsoratra ity ianao? Hanohy ny fadihana ve ka hopotika hatrany ny ho avy? sa hila amin`nizany ka hanana fomba fisainana vaovao ary hitodika amin`Andriamanitra afaka hanome fitahiana ho anao?