Lanitra
Ny lanitra dia faritra hita eny ambonin' ny tany hatr' ety amin' ny vohon' ny Tany, manomboka eo amin' ny faravodilanitra ka hatrany amin' ny zenita, izay ahitana ny fantara sy ny hetsiky ny Masoandro sy ny Volana ary ny kintana. Ny lanitra dia sady soson-drivotry ny Tany, izay anidinan' ny vorona sy ivezivezen' ny rahona, sy ny bolan-danitra, ivelan' ny fahitana ny halavirana, izay tondroina am-panoharana ho toy ny andohalambo lehibe. Ankoatra ny zavatra eny amin' ny lanitra, sy any ambonin' ny rahona, ny soson-drivotra dia mampiely ny hazavan' ny Masoandro ary manome loko manga ny lanitra mandritra ny andro; amin' ny alina dia lasa mainty sy maizina ny lanitra.
