Joseph Simon Gallieni
(tonga teto avy amin'ny Gallieni (jeneraly))
I Joseph Simon Gallieni, izay fantatra amin' ny hoe Jeneraly Gallieni, dia miaramila sady mpandraharam-panjakana mpanjanatany frantsay. Teraka tamin' ny 24 Avrily 1849 tao Saint-Béat ao Haute-Garonne sy maty tamin' ny 27 Mey 1916 tao Versailles. Nandray anjara be tamin' ny fanamafisana ny Empira Frantsay izy, indrindra taty Afrika, tamin' ny alalan' ny fomba feno habibiana izay tafapaka tamin' ny fara tampony tamin' ny fandringanana ny Menalamba teto Madagasikara. Vita ny asany nandritra ny Ady Lehibe Voalohany. Nakarina ho amin' ny laharam-boninahitra maresaly izy taorian' ny nahafatesany tamin' ny taona 1921.
