Fiteny maaniany
(tonga teto avy amin'ny Fiteny ma'aniany)
Ny fiteny maaniany na fiteny maniany dia fiteny aostrôneziana tenenina any Indônezia, ao Kalimantàna Afovoany, ao amin' ny nosy Bôrneô. Ao amin' ny sampana malaiô-pôlinezianan' ny fiteny aostrôneziana ny fiteny maaniany. Ny fiteny maaniany dia iray amin' ireo fiteny baritô atsinanana, izay vondrom-piteny malaiô-pôlineziana andrefana. Ny fiteny malagasy no akaiky indrindra azy raha ny voambolana fototra no heverina. Miisa eo amin'ny 150 000 eo ny olona miteny azy, dia ireo vahoaka maaniany (zana-bondron' ny vahoaka daiaka) izay monina ao Kalimantàna afovoany, any Indônezia. Misy fifanahafana akaiky dia akaiky amin' ny fiteny barito atsinanana toy ny fiteny pakô (77 %) sy ny fiteny dosóna vito (75 %) ny fiteny maaniany.
Fampitahana voambolana hanova
| Maaniany | Malagasy |
| isa | iray na isa |
| dime | dimy |
| uran | orana |
| apui | afo |
| mate-anrau | masoandro |
| babui | lambo |