Baomba
Ny baomba dia fitaovam-piadiana mipoaka, mazàna ahitana fitoeran-javatra mora mipoaka natao handrava rehefa mipoaka. Nanomboka tamin' ny taonjato faha-20 dia io teny io no ampiasaina indrindra hanondroana fitaovana mipoaka atsipy avy amin' ny fiaramanidina na avela amin' ny tany.
Ny baomba dia mampiasa ny fiota mamoaka hafanana avy amin' ny akora mora mipoaka mba hanomezana angovo mahery vaika. Ny fipoahana dia miteraka fahasimbana amin' ny ankapobeny amin' ny alalan' ny tsindry mekanika ampitaina amin' ny tany na amin' ny rivotra, ny fiantraika sy ny fidiran' ny fanipy atosiky ny tsindry, ny fahasimbana ateraky ny tsindry ary ny vokatry ny fipoahana. Ny baomba dia nampiasaina nanomboka tamin' ny taonjato faha-11 tany Azia Atsinanana.