Alania
I Alania dia fanjakana tamin' ny Andro Antenatenany an' ny Iraniana Alàna (lasa Ôsetiana taty aoriana) izay niroborobo tany amin' ny faritra avaratra amin' i Kaokazy, eo amin' ny toerana misy an' i Kirkasia (na Sirkasia), i Tsetsenia, i Ingosetia, ary i Ôsetia an' i Alania Avaratra ankehitriny, nanomboka tamin' ny fahaleovantenany avy tamin' ny Kazara tamin' ny faramparan' ny taonjato faha-9 ka hatramin' ny fandravana azy tamin' ny fanafihan' ny Môngôly tamin' ireo taona 1238–1239. I Maghas no renivohiny, ary nifehy ny lalam-barotra lehibe namakivaky ny hadilalan' i Darial izy io. Nahatratra ny fara tampony ilay fanjakana tamin' ny taonjato faha-11, teo ambany fitondran' ny mpanjaka Durgulel.
