Volotsangana

Ny volotsangana dia zavamaniry ao amin' ny fianakaviana Poaceae (ahitra), zana-pianakavian' ny Bambusoideae. Miavaka amin' ny karazan' ahitra hafa izy noho izy misampantsampana sy noho ny tahony misy tsiraka mafy, taho izay matetika lava be. Mizara ho foko roa ny vootsangana, dia ny Bambuseae, any amin' ny faritra mafana, sy ny Arundinariae, any amin' ny faritra manana toetany antonony.

Volotsangana

Miavaka amin' ny zavamaniry hafa ny volotsangana indrindra fananany vatana sy taho mafy tsy mora rava (aorian' ny fahafatesany), amin' ny ankapobeny poakaty, izay mitombo haingana dia haingana. Ny volotsangana dia mety maniry amin' ny toetany isankarazany ka hita amin' ny kôntinenta regetra, afa-tsy any Antarktika. Misy foko fahatelo ao amin' ny Bambusoideae, dia ny Olyreae, izay misy ny volotsangana ahitra, maniry any amin' ny faritra mafana any Amerika Latina.

Ampiasaina betsaka ho zavamaniry fanaingoana sy fanao sakafo ary fitaovana fanorenana ny volotsangana.