Labradôrita
Ny labradôrita dia mineraly ao amin' ny fianakavian' ny feldspata plaziôklazy (vondron' ny silikata, zana-bondron' ny tektôsilikata), misy kalsiôma, fantatra voalohany tany Labrador (any Kanada), izay mety maneho fanjelatra maro loko. Ity dia karazana anôrtita eken' ny International Mineralogical Association (IMA), miavaka noho ny fananany taha Ab/An eo anelanelan' ny 30/70 sy 50/50. Ny raikipohy simikany dia (Na,Ca)(Al,Si)4O8, ahitana soritra vy (Fe) sy pôtasiôma na kaliôma (K) ary rano (H2O). Ny mampiavaka ny singa sasany dia noho izy ireo manana karazan-doko manjelatra toy ny metaly. Ny manga sy maitso no loko mateti-piseho indrindra, fa ny vato sasany dia mety hahitana ny loko rehetra.
.jpg)
Ny labradôrita dia mpikambana anelanelany misy kalsika ao amin' ny andian' ny plaziôklazy. Manana isan-jato anôrtita (%An) eo anelanelan' ny 50 sy 70 izy. Ny hakitrony dia 2,68 hatramin' ny 2,72. Ny tsipitsipika hita aminy dia fotsy, toy ny ankamaroan' ny silikata. Ny tondron' ny famerenan-kazavany 1,559 hatramin' ny 1,573.