Klemento VIII

I Klemento VIII dia papa farany tamin' ireo nanohitra ny Refôrmasiôna prôtestanta, nitondra tamin' ny taona 1592 hatramin' ny 1605. Teraka tamin' ny taona 1536 tao Fano any Italia izy ary maty tamin' ny taona 1605. Atao hoe Clemens VIII izy amin' ny teny latina, Clemente VIII amin' ny teny italiana, ary Clément VIII amin' ny teny frantsay. Ippolito Aldobrandini no tena anarany.

Ny papa Klemento VIII, sary tamin' ny taonjato faha-17.

Nandalim-pahaizana tany Padova (frantsay: Padoue) sy Perugia (frantsay: Pérouse) ary Bologna (frantsay: Bologne) izy ka lasa pretra sy kardinaly tamin' ny taona 1585 ary voafidy ho papa tamin' ny taona 1592. Tamin' ny naha papa azy dia nampanao fanitsiana ny Baiboly latina Volgata izy.