Jean Laborde
I Jean Laborde dia mpanamory sambo frantsay, teraka tamin' ny 16 Ôktôbra 1805 tao Auch (Frantsa), ary maty tamin' ny 27 Desambra 1878 tao Mantasoa (Antananarivo. Madagasikara).
Nanomboka tamin’ ny taona 1837 tany ho any no nanorenan’ i Laborde ny toeram-piasany miendrika indostria teo akaikin’ i Mantasoa, izay nantsoiny hoe Soatsimanampiovana, izay namokarana entana maro isan-karazany, manomboka amin' ny tafondro ka hatramin' ny savony.
Tamin' ny taona 1857 dia noresesin' i Joseph-François Lambert lahatra izy mba handray anjara amin' ny teti-dratsy izay mikendry ny hanesorana ny mpanjakavavy efa antitra sy feno habibiana ka hosoloina ny zanany lahy Radama II. Taorian' ny nahitana ilay fikasana fanonganam-panjakana, dia izy no Eorôpeana sisa tavela teto amin' ny Nosy ary noroahina hiala tao amin' ilay firenena.
Taorian' ny nahafatesan-dRanavalona I dia niverina teto Madagasikara izy tamin' ny naha Consul Général frantsay azy tamin' ny taona 1861, ary maty tamin' ny taona 1878.