Gautier Sans-Avoir
I Gautier Sans-Avoir, izay maty tamin' ny 1096, dia niaraka tamin' i Pierre l'Ermite, iray amin' ireo mpitarika ny kroazadam-bahoaka, anisan' ny lohalaharana tamin' ny krozada voalohany talohan' ny nanombohan' ny andriana.
Fiaviana sy fianakaviana hanova
Tsy fantatra mazava ny niaviany. Nilaza i Michaud fa avy any amin' ny tanànan' i Noyers (Haute-Marne), akaikin' i Langres, izy, saingy tsy azo raisina izany fanambaràny izany, satria tsy voarakitra ampy anaty tahirin-kevitra. Nilaza i Guibert de Nogent fa teraka tany an-dafin' i Seine izy. Heverina fa zanaky ny mpiray tampo amin' i Gautier, tompomenakelin' i Poissy, ary angamba avy ao amin' ny tanànan' i Boissy-sans-Avoir izy. Izy dia mety zanak' i Hugues Sans-Avoir, voatonona tamin' ny 1058 ho vavolombelon' ny hetsika nataon' i Galéran III, kôntan' i Meulan, sady rahalahin' i Guillaume sy i Simon Sans-Avoir, izay samy mpanao kroazada tamin' ny taona 1096 ary maty tamin' ny ady faharoa tao Ramla tamin' ny Mey 1102.