Fiteny vepsa

Ny fiteny vepsa na fiteny vepsiana dia fiteny ao amin' ny sampana fenikan' ny fianakaviam-piteny finô-ogriana. Mifandray akaiky amin' ny fiteny kareliana sy ny fiteny estôniana ary ny fiteny finoà izy. Ny vahoaka Vepsa, izay miisa 8 000 any ho any no miteny azy io. Ny mpiteny vepsa dia monina any amin' ny morontsiraka andrefan' ny Farihy Onega (any Carelia rosiana) sy any amin' ny ilany atsinanan' ny Ôblastan' i Leningrad ary any amin' ny tapany andrefan' ny Ôblastan' i Vologda.