Fiteny haoaiana

Ny fiteny haoaiana dia fitenin' ny mponina teratany ao amin' ny vondronosy Hawaii. Ity fiteny ity sy ny fiteny anglisy no fiteny ôfisialin' ny Fanjakan' i Hawaii, izay an' i Etazonia. Amin' ny teny haoaina izy dia atao hoe Hawaiʻi na ʻŌlelo Hawaiʻi (vakina hoe: olelo həvai),

Ny fiteny haoaiana dia anisan' ny fiteny aostrôneziana, ny marimarina kokoa anisan' ireo fiteny markiziana. Noho izany dia akaikin' ny fiteny pôlineziana hafa toa ny fiteny markiziana, ny fiteny tahisiana, ny fiteny samôana, ny fiteny maôry na ny fiteny rapanoy. Akaikin' ny fiteny fijiana ihany koa izy, ary amin' ny fomba tsy dia mazava loatra akaikin' ny fiteny indôneziana, ny fiteny malagasy ary ireo fiteny fôrmôzana any Taiwan sy any Filipina.

Olona 1 000 ihany no miteny izany amin' ny maha-mpiteny teratany azy tamin' ny taona 2000: amin' ny nosy enina amin' ny fito misy mponina dia tsy ampiasaina isan' andro intsony ny fiteny haoaiana nanombka tamin' ny fanjanahantany anglisy-amerikana.