Fiteny makoa
fiteny
(tonga teto avy amin'ny Fiteny emakoa)
Ny fiteny makoa dia fiteny banto izay tetenin' ny olona ao Môzambika sy ao Tanzania ary ao amin' ny Repoblikan' i Kôngô (ao amin' ny distrikan' i Makoa ao amin' ny Faritry ny Lembalemba sy ny manodidina azy). Olona mihoatra ny 4 000 000 no miteny makoa. Telo ny sampana lehiben' io fiteny io, dia ireto:
- ny fiteny sirima (izay tenenin' ny olona 620 000 eo ho eo ao Môzambika ao amin' ny faritanin' i Niassa);
- ny fiteny kôty (izay tenenin' ny olona 78 000 eo ho eo ao Môzambika indrindra manodidina an' i Angoche ao amin' ny faritanin' i Nampula);
- ny fiteny lômoe (izay tenenin' ny olona 1 500 000 eo ho eo ao Môzambika ao amin' ny faritanin' i Zambezia sy ny tapany atsimon' ny faritanin' i Nampula).
Marihina fa ny tanànan' i Makoa dia tsy ao Môzambika fa ao amin' ny Repoblikan' i Kôngô, any amin' ny 600 km miala an' i Brazzaville.