Fiteny arameana samaritana

Ny fiteny arameana samaritana na fiteny samaritana dia fiteny ao amin' ny sampan' ny fiteny arameana antenatenany, fiteny ao amin' ny fianakaviam-piteny semitika. Fiteny velona nandritra ny taonjato maromaro tany Palestina ny fiteny arameana samaritana, ankehitriny dia tsy ampiasaina afa-tsy amin’ ny fanompoam-pivavahana sy ho fitenim-pivavahana ho an' ny Samaritana izay mampiasa ny fiteny arabo sy ny fiteny hebreo ho fiteny andavanandro.

Tantara hanova

Azo zaraina ho vanim-potoana telo ny tantaran' ny fiteny arameana samaritana:

  • ny vanim-potoana taloha (taonjato faha-4 tal. J .K hatramin' ny taonjato faha-8 taor. J.K.). Nandritra io vanim-potoana io, ny fiteny arameana samaritana no fiteny notenenina sy nosoratra. Tamin' io vanim-potoana io ny famokarana lehibe amin' ny literatiora samaritana.
  • ny vanim-potoana anelanelany (taonjato faha-9 hatramin' ny taonjato faha-13). Nandritra io vanim-potoana io, ny fiteny samaritana dia nihena tsikelikely ka lasa fitenin' ny literatiora fotsiny. Ny fiteny arabo no lasa fiteny andavanandron' ny olona.
  • ny vanim-potoana vao haingana (taonjato faha-13 ka hatramin' izao). Lasa fiteny maty ny fiteny samaritana, ka tsy azon’ ny ankamaroan’ ny Samaritana. Niforona ny fiteny vaovaon’ ny literatiora, izay mindrana avy amin' ny fiteny hebreo ihany koa. Misy fiantraikany amin' ity fiteny hebreo-aramiana safiotra ity koa ny fiteny arabo.

Jereo koa hanova