Didin' i Tesalônika
Ny Didy tao Tesalônika na Didin' i Teôdôsio, izay fantatra koa amin' ny anarana hoe Cunctos populos, dia didy navoakan' ny emperora Teôdôsio I tamin' ny 28 Febroary 380 izay nanome tombony ny kristianisma nikeana izay nambarany fa "katôlika" izany hoe "an' ny olona rehetra".
Izany didy izany, navoka ho an' ny mponina any Kônstantinôpla, izay tian' i Teôdôsio hampandrina fahalemana mba hataony toeram-ponenan' ny emperora, no lalàna ivelan' ny fiangonana fantatra izay ahitana ao amin' ny savaranonando ny famaritana ny heverin' ny andriandahy rômana kristiana ho ôrtôdôksia ("fampianarana marina") ara-pivavahana, izay manokatra ny lalana hanenjehana ireo tsy manaraka izany ôrtôdôksia izany, dia ireo lazaina fa heretika na "mpanao fampianaran-diso".
Nalaky hadinon' ireo niaina tamin' ny fotoana namoahana azy ny Didin' i Tesalônika ka nampidirina tao amin' ny boky faha-16 ao amin' ny "Fehezan-dalàn' i Teôdôsio". Ny tantara dia manao io didy io ho nametraka ny "ôrtôdôksia nikeana" ho fivavaham-panjakana, izany fomba fijery izany anefa nilaozan' ny mpahay tantara tamin' ny taonjato faha-20 momba ny zava-mitranga saro-drafitra izay niseho nandritra ny taompolo maro. Dingana lehibe teo amin' ny tantaran' ny fampanjakana ny fivavahana tao amin' ny Empira Rômana anefa ity Didin' i Tesalônika ity.