Borocera cajani
Ny Borocera cajani dia karazana lolon-dandy mamokatra landy izay tsy hita raha tsy eto Madagasikara. Matetika izy io no afangaro amin' ny Borocera madagascariensis izay mitovitovy aminy, izay samy fantatra amin' ny teny malagasy hoe landibe. Na izany aza, ny B. cajani no karazana mpamokatra landy ao afovoan-tany eto Madagasikara, fa ny B. madagascariensis kosa no any amin' ny faritra amorontsiraka. Miparitaka manerana ny ala tapia any amin' ny faritra afovoan' i Madagasikara ny landibe, anisan' izany ny faritr' Imamo sy ny tangoron-tendrombohitr' Itremo, ny Valan-javaboarim-pirenena Isalo, ary ny Col des Tapia. Manidina mandritra ny ao anaty ala tapia izy ireo. Ny B. cajani dia mamokatra karazana landidia izay angonin' ny teratany malagasy any amin' ny faritra afovoan' i Madagasikara efa an-jatony taona maro. Ny famokarana landy sy ny fanenomana dia ataon' ny vahoaka any amin' ny faritra samihafa. Foibem-pamokarana landy avy amin' ny landibe dia ao amin' ny tanànan' i Sahatsiho Ambohimanjaka, ao amin' ny faritra afovoan' i Madagasikara. Ny landy avy amin' ny landibe dia matevina kokoa noho ny an' ny samoina mahazatra atao hoe Bombyx mori.
