Ny betiravy dia zava-maniry maharitra roa taona, manana ravina malama sy lavalava, voniny maitso na mavo mivondrona ka manome edrika lavalava sy toy ny ravinkazo, volena indrindra mba hahazoana ny vodiny lehibe fihinan' ny olombelona sy ny biby ary mba hanamboarana siramamy. Avy any amin' ny faritra amorontsiraka any Eorazia ny betiravy izay ambolena saika amin' ny toerana rehetra. Ny karazana betiravy miely indrindra dia maniry maharitra roa taona, mamokatra vodiny nofosana amin' ny taona voalohany ary mamoa ny taona faharoa. Misy karazany maromaro ny betiravy.

Betiravy isan-karazany
Betiravy fanao sakafon' olombelona

Amin' ny fanasokajina ara-tsiansa, ny betiravy dia anisan' ny karazana Beta ao amin' ny fianakavian' ny Chenopodiaceae na Amaranthacea. Ny betiravy mahazatra dia manana ny anarana siantifika hoe Beta vulgaris.

Betiravy fanamboarana siramamy

Ny karazany fanao sakafon' olombelona, na betiravy mena, dia ambolena mba hahazoana ny vodiny mena sy boribory izay hanina rehefa avy nahandroina. ity karazany ity dia gliosida 10 % ao anatiny. Misy ihany koa ny prôteinina, ny lipida, ny tsiraka ary ny sira mineraly kelikely. Be otrikaina A sy B ny raviny.

Misy ny karazany fanao sakafon' olombelona. Ny betiravy fanamboarana siramamy dia misy fakany lehibe, miendika kitsoloha fotsy, sy taho ahitana tahan-tsiramamy.

Betiravy fanao sakafom-biby

Misy koa ny betiravy ambolena eny an-tsaha ho an' ny biby fiompy izay atsoina amin'ny anarana ara-tsiansa hoe Beta vulgaris macrohiza.