Ny tsirinteny dia hasin-teny tsy mahaleo tena araikitra amin' ny fototeny mba hanehoana ny anjara asany na ny sokajin-teny misy azy na hanovana ny heviny. Raha ny toerana ametrahana ny tsirinteny no heverina dia misy ny tovona izay fametaka eo alohan' ny fototeny, misy ny tovana izay fametaka ao aorian' ny fototeny ary misy ny tsofoka izay fanisika ao anaty fototeny. misy koa ny atao hoe tsirinteny sara-droa izay tsy inona fa tovona sy tovana tsy maintsy ampiasaina miaraka.

Ny tovona hanova

Ny tovona dia tsirinteny fametraka eo alohan' ny fototeny. Ahazoana sampan-teny na manova ny hevitra ara-pitsipiteny ny fanasiana tovona amin' ny teny iray.

Ny tovana hanova

Ny tovana dia tsirinteny izay fametraka eo aorian' ny fototeny. Ahazoana sampan-teny na manova ny hevitra ara-pitsipiteny ny fanasiana tovana amin' ny teny iray.

Ny tsirinteny sara-droa hanova

Ny tsirinteny sara-droa dia tsirinteny izay ahitana ampahany roa ka ny iray mipetraka eo ampiandohan' ny sampan-teny (toy ny tovona), ary ny faharoa ao amin' ny fiafaran' ny sampan-teny (toy ny tovana). Ahitana tsirinteny sara-droa, ohatra, ny fiteny malagasy sy ny fiteny maley sy ny fiteny jeôrjiana. Amin' ny teny malagasy hoe ifaliana (i-fali-ana) dia ahitana tsirinteny sara-droa, dia ny hoe i- ... -ana izay manodidina ny fototeny fali.

Ny tsofoka hanova

Ny tsofoka dia tsirinteny fanisika amin' ny fototeny na ny hasin-teny hafa ka mizara izany ho roa. Ahitana fampiasana tsofoka ny fiteny aostrôneziana (toy ny fiteny malagasy, indôneziana, maley, tagalôga, sondaney, javaney), ny fiteny semitika (toy ny fiteny arabo), ny fiteny indô-eorôpeana sasany (toy ny fiteny sanskrita, grika taloha, latina), ny fiteny aostrôaziatika (toy ny fiteny kmera).

Jereo koa hanova