Tendrombohitra Ôliva

(tonga teto avy amin'ny Tendrombohitra Oliva)

Ny Tendrombohitra Ôliva na Tendrombohitra Analanôliva dia havoana eo atsinanan' i Jerosalema izay mahatratra 823 m ka ny manasaraka azy amin' i Jerosalema dia ny lohasahan' i Kidrôna. Avy amin' ny fisian' ny voly ôliva ao amin' ny ilany andrefana ao Getsemane izany anarany izany. Toerana manana ny lanjany eo amin' ny fivavahana jiosy sy kristiana ary silamo io tendrombohitra io.

Ny Tendrombohitra Ôliva amin' izao fotoana izao

Toeram-pandevenana hatry ny ela ny Tendrombohitra Ôliva satria ny Jebosita dia nandevim-paty tao tamin' ny taonarivo faha-2 tal. J.K. Nanohy izany koa ny mponin' i Jodà ka manao lavabato hatao fandevanana[1]. Amin' izao fotoana izao dia maro ireo trano fiangonana miorina eo amin' ny Tendrombohitra Ôliva.

Ho an' ny Jiosy hanova

 
Toeram-pandevenana eo amin' ny Tendrombohitra Ôliva

Tamin' ny andron' i Davida dia toeram-panaovana sorona io tendrombohitra io. Mbola mijanona ho toeram-pandevenana izy mandraka ankehitriny ho an' ny Israelita[1]. Toeram-pandevanana jiosy lehibe indrindra eran' izao tontolo izao ny Tendrombohitra Ôliva. Resahina ao amin' ny Testamenta Taloha ny Tendrombohitra Ôliva raha naminany ny amin' ny fitsanganan-ko velona sy ny Fitsarana farany ny mpaminany Zakaria (Zak. 14.1-4). Araka ny lovantsofina jiosy dia handalo eo amin' ny Tendrombohitra Ôliva ny Mesia izay hahatonga ny fitsanganan' ny maty ho velona alohan' ny hidirany ao Jerosalema (Zak. 14.4). Ireo olona milevina ao no hitsangana voalohany. Izany faminaniana izany dia resahin' i Flavio Jôsefa ao amin' ny Antiquitates Judaicae.

Ho an' ny Kristiana hanova

 
Flevit super illam ("Nitomany azy Izy"), nataon' i Enrique Simonet, taona 1892. Nitomany an' i Jerosalema teo amin' ny Tendrombohitra Ôliva i Jesoa.

Voaresaka matetika izy ao amin' ny Testamenta Vaovao, indrindra ao amin' ny Filazantsara efatra sy ao amin' ny Asan' ny Apôstôly, amin' ny fitantarana ny fahorian' i Jesoa taorian' ny namadihan' i Jodasy azy. Toerana anaovan' i Jesoa toriteny matetika ny Tendrombohitra Ôliva araka ny Testamenta Vaovao. Ny Filazantsaran' i Lioka sy ny an' i Marka ary ny Asan' ny Apôstôly (Asa. 1.9-12) dia milaza fa tao amin' ny Tendrombohitra Ôliva no niakaran' i Jesoa tany an-danitra. Ahitana fanorenana kristiana maro koa ao amin' izao fotoana izao: bazilika, trano fiangonana, mônastera sns.

Loharano sy fanamarihana hanova

  1. 1,0 et 1,1 "Oliviers, mont des" - Microsoft Encarta 2009. 1993-2008 Microsoft Corporation.