Norwegian Missionary Society

Ny Norwegian Missionary Society (NMS) dia fikambanana misionera voalohany niorina tao Norvezy tamin'ny taona 1842 tao amin'ny tanànan'i Stavanger izay nanao tanjona ny hampiely ny fivavahana kristiana amin'ny mponina eto amin'izao tontolo izao, indrindra ny taty Afrika. Olona miisa 180 eo ho eo no nikambana ao tamin'ny fanombohany. I Hans Paludan Smith Schreuder no misionera voalohany izay niainga ho any Zululand (Afrika Atsimo) tamin'ny taona 1843. Amin'ny fiteny norveziana dia Det Norske Misjonsselskap no fiantsoana izany fikambanana izany fa amin'ny teny malagasy kosa dia azo adika hoe "Fikambanana Misionera Norveziana" na "Fikambanana Misionery Norveziana". Tonga teto Madagasikara tamin'ny taona 1866 ny NMS.

Firenena iasan'ny NMSHanova

Nanaovany sy anaovan'ny NMS ny asany ny any amin'ireto firenena tanisaina manaraka ireto:

  • Afrika Atsimo, nanomboka tamin'ny taona 1842, (hatramin'ny taona 1999);
  • Madagasikara, nanomboka tamin'ny taona 1867;
  • Sina, nanomboka tamin'ny taona 1902;
  • Kamerona, nanomboka tamin'ny taona 1925;
  • Hongkonga, nanomboka tamin'ny taona1948;
  • Taioana, nanomboka tamin'ny taona 1949 (hatraninn'ny taona 1999);
  • Japàna, nanomboka tamin'ny taona 1952;
  • Tanzania, nanomboka tamin'ny taona 1956 (hatranin'ny taona 1984);
  • Etiopia, nanomboka tamin'ny taona 1970;
  • Tailandy, nanomboka tamin'ny taona 1976;
  • Brezily, nanomboka tamin'ny taona 1977;
  • Frantsa, nanomboka tamin'ny taona 1984;
  • Malý, nanomboka tamin'ny taona 1986;
  • Pakistàna, nanomboka tamin'ny taona 1986;
  • Kroasia, nanomboka tamin'ny taona 1989;
  • Estonia, nanomboka tamin'ny taona 2003;
  • Angletera, nanomboka tamin'ny taona 2006.

Ireo sekretera sy sekretera jeneraly nifandimbyHanova

Ireo natao hoe "sekretera" fotsiny:

  • Andreas Hauge (-1852)
  • Peter Blessing (1855–1864)
  • Christian Dons (1864- )

Ireo sekretera jeneraly:

  • Lars Dahle (1887–1920)
  • Jørgen Edvin Nilssen (1920–1922)
  • Einar Amdahl (1923–1957)
  • Fridtjov Birkeli (1957–1961)
  • Johannes Skauge (1961–1968)
  • Magne Valen-Sendstad (1968–1980)
  • Odd Bondevik (1980–1991)
  • Tor Berger Jørgensen (1991–2000)
  • Kjetil Aano (2000–2011)
  • Jeffrey Huseby (2011–)

Ny NMS eto MadagasikaraHanova

Tonga teto Madagasikara tamin'ny taona 1866 ny NMS ka isan'ireo nandray anjara tamin'ny fandikana ny Baiboly protestanta amin'ny teny malagasy fanintelony niaraka tamin'ireo misioneran'ny London Missionary Society (LMS) sy ny misionera hafa ka nahvitana ny edisionan'ny Baiboly tamin'ny taona 1887 izay nasiam-panitsiana tamin'ny taona 1908 sy 1909. Ny fiangonan'ny Norwegian Missionary Society (NMS) sy ny an'ny American Lutheran Church (ALC)[1] ary ny an'ny Lutheran Board of Mission (LBM)[2] no nitambatra ka lasa natao hoe Fiangonana Loterana Malagasy (FLM) tamin'ny taona 1950. Amin'izao fampiharana ny fizakan-tenan'ny FLM izao dia misy fihenana miandalana ny fanampianan'ny NMS ny FLM, indrindra amin'ny lafiny ara-bola.

Jereo koaHanova

Loharano sy fanamarihanaHanova

  1. Ny ALC dia fikambanana misionera avy any Amerika tonga teto Madagsikara tamin'ny taona 1888.
  2. Ny LBM dia fikambanana misionera avy any Amerika tonga teto Madagsikara tamin'ny taona 1890.