Nikopolisy any Epirosy

I Nikopolisy any Epirosy na Nikopoly any Epiro dia tanàna grika naorin'i Aogosto hanatsiarovana ny fandresen'ny tafika an-dranomasin'i Aktioma an'i Marka Antonio tamin'ny 02 Septambra 31 tal. J.K. izay miorina eo amin'ny vavan'ny Helodrano Ambrakika. Eo amin'ny andilan-tanin'ny saikanosy manasaraka ilay helodrano amin'ny Ranomasina Ioniana, eo amin'ny 6 km avaratry ny tanànan'i Prévéza ankehitriny. Nandroso dia nandroso i Nikopolisy nandritra ny vanimpotoana romana sy tamin'ny faramparan'ny Andro Taloha, alohan'ny hlentehany tamin'ny vanimpotoana bizantina.

Atao hoe Νικόπολις / Nikópolis, io tanàna io amin'ny teny grika, ka izany teny izany dia midika hoe "tanànan'ny fandresena". Amin'ny teny latina izy dia atao hoe Actia Nicopolis na Nicopolis ad Actium.