Testamentan' ny Patriarka roa ambin' ny folo

Ny Testamentan' ny Patriarka roa ambin' ny folo dia boky apôkrifan' ny Baiboly, izay ananana amin' ny dikan-teny grika sy mitantara ny lahateny sy hafatrafatra nataon' ny patriarka roa ambin' ny folo zanak' i Jakoba aloha kelin' ny hahafatesan' izy ireo.

Misy firehana momba ny fanantenana fiavian' ny olona voahosotr' Andriamanitra hanafaka ny Jiosy (mesianisma) sy fanantenana ny hahatongavan' ny tontolo tsara any am-parany (eskatôlôjia) ilay boky ka ahitana dingam-pampandriana an-tsoratra natao mandritra ny taonjato faha-2 tal. J.K. hatramin' ny taonjato voalohany taor. J.K. Mety tamin' ny teny hebreo sy teo amin' ny fiarahamonina jiosy no nanoratana azy ireo voalohany, sady ao amin' ireo boky mbola voatahiry dia ahitana fandrindrana nataon' olona kristiana.

Testamenta isaky ny patriarka

Ireo testamenta ireo dia voasOkajy araka ny filaharan' ny fahaterahan' ny zanakalahin' i Jakoba. Ny Testamenta tsirairay dia manana toerana sy fiasa manokana, mamolavola lohahevitra iray na maromaro:

1. Testamentan' i Robena: ny amin' ny fisaintsainana;
2. Testamentan' i Simeôna: ny amin' ny fialonana;
3. Testamentan' i Levy: ny amin' ny fisoronana sy ny avonavona;
4. Testamentan' i Jodà: ny amin' ny herim-po sy ny fitiavan-karena ary fijejojejoana;
5. Testamentan' i Isakara: ny amin' ny fahatsorana;
6. Testamentan' i Zebolôna: ny amin' ny famindram-po sy ny fitserana;
7. Testamentan' i Dana: ny amin' ny fahatezerana sy ny lainga;
8. Testamentan' i Naftaly: ny amin' ny fitiavana voajanahary;
9. Testamentan' i Gada: ny amin' ny fankahalana;
10. Testamentan' i Asera: ny amin' ny endrika roan' ny lolompo sy hatsaran-toetra;
11. Testamentan' i Jôsefa: ny amin' ny fahadiovam-pitondrantena;
12. Testamentan' i Benjamina: ny amin' ny fahadiovan' ny fisainana.