Sarindokotra

Ny sarindokotra na sarin-dokotra dia voron-drano karazan-dokotra zafindraony vokatry ny fampivadiana ny karazan-dokotra na ganagana roa samy hafa, ka ny lahy dia dokotra fiompy miloko mainty matetika, karazana avy any Amazônia, izay atao amin' ny teny ara-tsiansa hoe Cairina moschata, fa ny vavy dia karazana ganagana miloko fotsy ranoray (atao hoe ganaganan' i Pekin) avy any Sina izay atao amin' ny teny ara-tsiansa hoe Anas platyrhynchos. Amin' ny teny malagasy dia atao hoe kirivorona koa izy.

Sarindokotra

Doko-dahy (Cairina moschata)

Tsy mety mitaranaka intsony ny sarindokotra izay ompian' ny olona fotsiny mba hohanin-kena sy hahazoana ilay atao hoe "aty matavy". Amin' ny ankapobeny dia misy pentina mainty ny loha sy ny rambon' ny lahin-tsarindokotra fa ny an' ny vaviny kosa fotsy na mavo.

Jereo koa

• Akoho
• Akanga
• Dokotra
• Dokotra fiompy
• Ganagana
• Gisa

Ganagana avy any Sina (Anas platyrhynchos domestica)