Pôntôsy

(tonga teto avy amin'ny Pontosy)

I Pôntôsy na Pônto dia faritra ara-tantara any amin' ny morontsiraka atsimon' ny Ranomasina Mainty, any amin' ny faritra amin' ny Ranomasina Mainty atsinanan' i Torkia ankehitriny ary, araka ny fetra nomen' ny sasany azy, any Jeôrjia koa. Atao hoe Πόντος / Pontos izy amin’ ny teny grika, anarana avy amin' ny anaran' ny Ranomasina Mainty amin' ny teny grika hoe Εύξεινος Πόντος / Eúxeinos Póntos, ho an' ny Grika taloha. Nomen' ny Grika an' ilay faritra amorobtsiraka sy ny faritra be tendrombohitra (miakatra any amin' ny Alpa Pôntika any atsinanana) tamin' ny vanim-potoana fahagola ilay anarana. I Trabzon na Trebizond na Trapezonte, avy amin' ny teny grika hoe Τραπεζούντα / Trapezounta, no tanàn-dehibe ao aminy, fa i Samsun (Amisos) no tanàna be mponina indrindra amin' izao fotoana izao ary misy mponina 700 000 mahery. Ity faritra ity dia nonenan' ny voanjo grika izay avy any Iônia tamin' ny vanim-potoana fahagola ary avy eo dia lasa foiben' ny kolontsaina helenika hatramin' ny fotoana taorian' ny fandresen' ny Ôtômana tamin' ny taonjato faha-15.

Pôntôsy na Pônto
Faritra misy an' i Pôntôsy raha miohatra amin' i Eorôpa

Io faritra io no foiben' ny fanjakana roa natanjaka teo amin’ ny tantara: ny Fanjakan' i Pôntôsy (vanim-potoana helenistika) sy ny Empiran' i Trebizônta (fararan’ ny Andro Antenatenany. Na dia eo aza ny dingana mahery vaika amin' ny fampisirana ny kolontsaina tiorka nanomboka tamin' ny taonjato faha-20, ity faritra ity dia mbola azo raisina amin' izao fotoana izao ho faritra manana ny maha-izy azy manokana indrindra ao amin' ilay firenena, aorian' i Kordistàna.