Paoly avy any Tebay

(tonga teto avy amin'ny Paoly avy any Tebesy)

I Paoly avy any Tebay na Masindahy Paoly Mpitoka-monina, araka an' i Hierônimô (na Jerôma) dia mpitoka-monina isan' ny malaza amin'ny fitokana-monin' ny monka (na moanina), manampy an' i Antônio Lehibe. Mety ny soratr' i Hierônimo no voalohany nahafantarana ny tantaram-piainany, nefa misy ihany ny fisalasalana ny amin' ny maha tena zava-misy ara-tantara izany. I Giacomo da Varazze[1], ao amin' ny boky Legenda aurea[2], dia nanokana toko manokana ho azy.

I Masindahy Paoly avy any Tebay, sary nataon'i José de Ribera (1640).

Araka an' i Omer Englebert dia teraka tao Egipta Ambony tamin' ny taona 227 sy maty tao amin' ny tany efitr' i Tebay tamin' ny taona 345 i Paoly Mpitoka-monina. Araka io boky Legenda aurea io dia nitoka-monina i Paoly avy any Tebay nandritra ny 60 taona tao amin' ny lavabato mba tsy ho azon' ny fanenjehana ny Kristiana nataon' ny emperora Dekio. I Antonio Lehibe (na Antônio avy any Egipta), izay nahalala fa tsy izy no mpitoka-monina voalohany, dia nandeha hihaona aminy. Amin' ny fotoan' ny sakafo maraina dia nisy goaika nitondra mofo indroa mihinana ho an' ireo lehilahy roa ireo ka nanazava i Paoly fa sahala amin' izany no fomba fanomezan' Andriamanitra sakafo azy isan' andro. Maty i Paoly fotoana fohy taorian' ny fiaingan' i Antônio ka nalevina tao amin' ny lavaka nohadin' ny liona ny vatany.

Boky azo anovozan-kevitra hanova

  • Hieronymus, Vita S. Pauli Monachi Thebaei, in Bazyli Degórski (ed.), Edizione critica della «Vita Sancti Pauli Primi Eremitae» di Girolamo, Institutum Patristicum "Augustinianum", Roma 1987.
  • Bazyli Degórski trad. ital.: Bazyli Degórski (ed.), San Girolamo. Vite degli eremiti: Paolo, Ilarione, Malco, [= Collana di Testi Patristici, 126], Città Nuova Editrice, Roma 1996.

Jereo koa hanova

Loharano sy fanamarihana hanova

  1. Amin' ny teny frantsay: Jacques de Voragine; amin' ny teny latina: Jacobus de Voragine. Amin' ny teny italiana io anarana io eto.
  2. Amin'ny teny frantsay: Légende dorée.