Norwegian Missionary Society
Ny Det Norske Misjonsselskap, amin' ny teny nôrveziana, na Norwegian Missionary Society (NMS), amin' ny teny anglisy, izay atao hoe Misiôna Nôrveziana amin' ny teny malagasy, dia fikambanana misiônera voalohany niorina tao Nôrvezy tamin' ny taona 1842 tao amin' ny tanànan' i Stavanger izay nanao tanjona ny hampiely ny fivavahana kristiana amin' ny mponina eto amin' izao tontolo izao, indrindra ny taty Afrika. Olona miisa 180 eo ho eo no nikambana ao tamin' ny fanombohany. I Hans Paludan Smith Schreuder no misiônera voalohany izay niainga ho any Zululand (Afrika Atsimo) tamin' ny taona 1843. Tonga teto Madagasikara tamin' ny taona 1866 ny NMS.
Firenena iasan' ny NMS hanova
Nanaovany sy anaovan'ny NMS ny asany ny any amin' ireto firenena tanisaina manaraka ireto:
Any Eorôpa hanova
- Frantsa, nanomboka tamin' ny taona 1984;
- Krôasia, nanomboka tamin' ny taona 1989;
- Estônia, nanomboka tamin' ny taona 2003;
- Angletera, nanomboka tamin' ny taona 2006.
Aty Afrika hanova
- Afrika Atsimo, nanomboka tamin' ny taona 1842 (hatramin' ny taona 1999);
- Madagasikara, nanomboka tamin' ny taona 1867;
- Kamerona, nanomboka tamin' ny taona 1925;
- Tanzania, nanomboka tamin' ny taona 1956 (hatramin' ny taona 1984);
- Etiôpia, nanomboka tamin' ny taona 1970;
- Malý, nanomboka tamin' ny taona 1986;
Any Azia hanova
- Sina, nanomboka tamin' ny taona 1902;
- Hongkonga, nanomboka tamin' ny taona1948;
- Taioana, nanomboka tamin' ny taona 1949 (hatramin' ny taona 1999);
- Japàna, nanomboka tamin' ny taona 1952;
- Tailandy, nanomboka tamin' ny taona 1976;
- Pakistàna, nanomboka tamin' ny taona 1986;
Any Amerika hanova
- Brezily, nanomboka tamin' ny taona 1977;
Ireo sekretera sy sekretera jeneraly nifandimby hanova
Sekreteran' ny Misiôna Nôrveziana hanova
Ireo natao hoe "sekretera" fotsiny:
- Andreas Hauge (-1852)
- Peter Blessing (1855–1864)
- Christian Dons (1864- )
Sekretera jeneralin' ny Misiôna Nôrveziana hanova
Ireo sekretera jeneraly:
- Lars Dahle (1887–1920)
- Jørgen Edvin Nilssen (1920–1922)
- Einar Amdahl (1923–1957)
- Fridtjov Birkeli (1957–1961)
- Johannes Skauge (1961–1968)
- Magne Valen-Sendstad (1968–1980)
- Odd Bondevik (1980–1991)
- Tor Berger Jørgensen (1991–2000)
- Kjetil Aano (2000–2011)
- Jeffrey Huseby (2011–)
Ny NMS eto Madagasikara hanova
Fandraisana anjara tamin' ny fandikana ny Baiboly hanova
Tonga teto Madagasikara tamin' ny taona 1866 ny NMS ka isan' ireo nandray anjara tamin' ny fandikana ny Baiboly protestanta amin'ny teny malagasy fanintelony niaraka tamin' ireo misioneran' ny London Missionary Society (LMS) sy ny misionera hafa ka nahavitana ny edisionan' ny Baiboly tamin' ny taona 1887 izay nasiam-panitsiana tamin' ny taona 1908 sy 1909.
Fanorenana ny sy fanampiana ny Fiangonana Loterana Malagasy hanova
Ny fiangonan' ny Norwegian Missionary Society (NMS) sy ny an' ny American Lutheran Church (ALC)[1] ary ny an' ny Lutheran Board of Mission (LBM)[2] no nitambatra ka lasa natao hoe Fiangonana Loterana Malagasy (FLM) tamin' ny taona 1950. Amin' izao fampiharana ny fizakan-tenan' ny FLM izao dia misy fihenana miandalana ny fanampianan' ny NMS ny FLM, indrindra amin' ny lafiny ara-bola.