Muhammad al-Bukhari

(tonga teto avy amin'ny Mouhammad al-Boukhârî)
Muhammad al-Bukhari
Ankapobeny
Anarana Muhammad al-Bukhari
Teraka 19 Jolay 810
Maty 1 Septambra 870
Fiaviana sy ny andraikitra
Asa :
Fiainana manokana

I Muhammad al-Bukhari dia mpanoratra mozilmana mpanangona hadita (muhaddith) tamin' ny taonjato faha-9 izay heverina ho manampahaizana manan-danja indrindra momba ny hadita teo amin' ny tantaran' ny sonisma. Teraka tamin' ny 19 na 21 Jolay 810 izy ary maty tamin' ny 1 Septambra 870. Ny sanganasan' i Al-Bukhari mbola misy dia ahitana ny fanangonana hadita ata hoe Sahih al-Bukhari sy al-Tarikh al-Kabir ary al-Adab al-Mufrad. Atao hoe Abū ʿAbd Allāh Muḥammad ibn Ismāʿīl ibn Ibrāhīm al-Juʿfī al-Bukhārī (arabo: أبو عبد الله محمد بن إسماعيل بن إبرهيم الجعفي البخاري) ny narany feno. Teraka tao Bukhara ao Ozbekistana i Al-Bukhari ary nanomboka nianatra hadita tamin' ny fahatanorany. Namakivaky ny Kalifata Abasida izy ary nianatra tamin' ny manam-pahaizana malaza maro tamin' izany fotona izany. Nitadidy hadita an' arivony i Bukhari, nanangona ny Sahih al-Bukhari tamin' ny taona 846. Nandany ny androm-piainany nampianatra ny hadita nangoniny izy. Tamin' ny fiafaran' ny androm-piainany i Bukhari dia niatrika ny filazana fa noforonina ny Kor'any, ary natao sesitany tany Nishapur. Nifindra tany Khartank, akaikin' i Samarkand, izy avy eo.

Ny Sahih al-Bukhari dia nohajaina amin' ny maha fanangonana hadita manan-danja indrindra amin' ny silamo sonita azy. Ny Sahih al-Bukhari sy ny Sahih Muslim, izay angona hadita nataon' i Muslim ibn al-Hajjaj mpianatr' i Al-Bukhari, dia fantatra amin' ny anarana hoe Sahihayn (arabo: صحيحين / Saḥiḥayn) ary heverin' ny Sonita ho boky azo antoka manarakaraka ny Kor'any. Anisan' ny mandrafitra ny Kutub al-Sittah izy io, dia ireo angona hadita enina hajaina indrindra ao amin' ny sonisma.

Jereo koa hanova

Rohy ivelany hanova

  • Ao amin'i Freebase: [1]
 
Mbola ambangovangony ity lahatsoratra ity ary tokony hofenoina.

Azonao atao ny mandray anjara eto amin'ny Wikipedia amin'ny alàlan'ny fanitarana azy.
Jereo koa ny pejy Ahoana ny manao takelaka rehefa te-hijery hoe ahoana no fanaovana azy.