Boky amin' ny anaran' i Henôka

(tonga teto avy amin'ny Boky amin'ny anaran'i Henoka)

Ny boky amin' ny anaran' i Henôka dia boky apôkrifan' ny Baiboly izay nampitondrain' ny mpanoratra azy ny anaran' i Henôka (na Enôka). Misy telo ireo boky ireo dia ny Bokin' i Henôka (na Boky voalohan' i Henôka) sy ny Bokin' ny Tsiambaratelon’ i Henôka (na Boky faharoan' i Henôka) ary ny Bokin' ny Lapa (na Boky fahatelon' i Henôka). Tsy i Henôka (na Enôka) no nanoratra azy ireo sady tsy mitovy ny olona nanoratra azy na dia atao hoe voalohany sy faharoa ary fahatelo aza izy ireo.

Ny Jiosy mpanoratra apôkalipsa dia nitady anaran’ olona malaza sady eken’ ny lovantsofina fa afaka ny hiantoka ny fanambaràna izay tian’ ireo mpanoratra ireo hampitaina. I Henôka dia lazain’ ny Bokin’ ny Genesisy fa "niara-nandeha amin’ Andriamanitra" talohan’ ny hampakarana velona azy any an-danitra (Gen. 5.24). Izy ilay ray mpitarika (patriarka) fahafito talohan’ ny Safodrano. Tsy mahagaga raha izy izay voalaza fa mahalala ny zava-miafin’ ny lanitra no nindramana anarana ho an' ireo angon-tsoratra apôkaliptika ireo.

Fanehoana fohy ny boky tsirairay hanova

Ny Bokin' i Henôka hanova

Ny Bokin' i Henôka dia atao hoe koa Boky voalohan' i Henôka na Henôka Etiôpiana. Ny famelabelarana ny amin’ ny anjely sy ny devoly dia mibahana ao amin’ io boky io. Maneho bebe kokoa ny fifanoheran' ny herin' ny tsara sy ny ratsy eto amin' izao rehetra izao (doalisma) ny boky. Voaresaka ao ny amin' ny atao hoe "Zanak' olona" izay hita koa ao amin' ny Testamenta Vaovao. Ny Bokin' i Henôka dia deoterôkanônika ao amin' ny Baiboly ôrtôdôksa etiôpiana.

Ny Boky faharoan' i Henôka hanova

Ny Bokin' ny Tsiambaratelon' i Henôka dia atao hoe koa Boky faharoan' i Henôka na Henôka Slava. Io boky io dia asa soratra apôkaliptika rano fotsiny, izay nosoratana Jiosy (na Jiosy kristiana) palestiniana tamin’ ny fiteny grika tamin’ ny taonjato voalohany, nefa voatahiry tamin’ ny fiteny slava tranainy ka izany no anaovana azy hoe Henôka slava. Tantaraina ao fa nanatanteraka dia lavitra namakivaky "lanitra fito" i Henôka sady nahazo fanambaràna misesisesy. Nosoritsoritina taminy ny famoronana an' izao tontolo izao ary naseho taminy ny tsiambaratelon’ ny hoavy.

Ny Boky fahatelon' i Henôka hanova

Ny Boky fahatelon' i Henôka na Boky Hebreon' i Henôka na Bokin' ny Lapa dia fanagonan-tsoratra nataona raby tamin’ ny taonjato faha-3 na faha-4 tal J.K., manana firehana misy firaisana lalina kokoa amin’ Andriamanitra (mistika) izay hita teo amin’ ny fivavahana jiosy ntaolo kokoa ity boky ity.

Jereo koa hanova