Melkizedeka: Fahasamihafan'ny versiona

I '''Melkizedeka''' na '''Melkisedeka''' na '''Melkitsedeka''' dia mpanjaka mpisorona resahina ao amin'ny [[Testamenta Taloha]]. Ao amin’ny fitantaran'ny [[Baiboly]] dia nihaona tamin'i [[Abrahama]] i Melkizedeka rehefa niverina avy any amin'ny ady nifanaovany tamin'ireo mpanjaka tany [[Mesôpôtamia]] (na Mezôpôtamia) i [[Abrahama]]. Nanome mofo sy divay an'i Abrahama izy ka ho setrin'iezany dia nomen'i Abrahama ny ampahafolon’ny zavatra voababo izy.

Ny habetsahan'ny zava-tsy fantatra momba an'i Melkizedeka no niteraka ireo fikarohana sy tombantombana maro momba azy nandritra ny taonjato maro, tao amin'ny endriky fivavahan'ny Israelita taloha aloha (jereo: [[iahvisma]]), avy eo tao amin’ny [[jodaisma]] (ao amin’ny [[Salamo]] faha-110 dia heverina ho toy ny tandindon’ny [[Mesia]] izy. ) ary tao amin’ny [[kristianisma]] taty aoriana (araka ny manampahaizana kristiana sasany dia tandindon'ny [[eokaristia]] na [[Fanasan'ny Tompo|fanasan’ny Tompo]] ny fanomezan'i Melkizedeka mofo sy divay an'i Abrahama). Ny [[Epistily ho an'ny Hebreo|Epistily ho an’ny Hebreo]] ao amin’ny [[Testamenta Vaovao]] dia manao tonon-tsiahy ny Testamenta Taloha mba hanehoana fa tandindon'i Kristy i Melkizedeka.

Ny anarana hoe ''Melkizedeka'' dia miseho indroa ao amin'ny Testamenta Taloha. Ny voalohany dia ao amin'ny Bokin'ny Genesisy na Jenezy: "''Ary Melkizedeka, mpanjakan'i Salema, nivoaka nitondra mofo sy divay; ary izy dia mpisoron' Andriamanitra Avo Indrindra''." (Gen/Jen. 14.18). Ny tanàna antsoina hoe ''Salema'' eto, araka ny [[Bokin'ny Salamo]] ("''Naoriny ao Salema ny tranolainy, ary any Ziona ny fonenany''." Sal. 76.2), dia tsy iza fa i [[Jerosalema (Andro Taloha)|Jerosalema]].