Ray Apôstôlika: Fahasamihafan'ny versiona

Ny '''Ray apostolika''', ho an’ny Kristiana, dia ireo mpianatra sy mpandimby ny [[Apostoly roa ambin'ny folo]]. Isan'ny [[Rain'ny Fiangonana|Rain'ny fiangonana]] ny Ray apostolika. Ireo mpanoratra literatiora kristiana tamin’ny fiteny grika sady maty maritiry ihany ary ireo tena nalaza tamin'ny taonjato voalohany sy faha-2 no tondroina indrindra amin'ny hoe ''Ray apostolika''. Ny soratr'izy ireo dia tsy nampidirina ho isan'ny boky ao amin'ny [[Baiboly]] nefa heverina fa fitohizan'ny soratr’ireo apostoly mamorona ny [[kanona]]<nowiki/>n’ny [[Testamenta Vaovao]] sady loharano saro-bidy amin'ny fahafantarana ny tantaran'ny fiangonana. Isan'ny atao hoe nosoratan'ireo ray apostolika ny boky atao amin'ny [[Fiteny grika|teny grika]] hoe Διδαχή / ''Didakhê'' ("Fampianarana" izany hoe fampianaran'ireo Apostoly roa ambin'ny folo) nefa tsy fantatra izay nanoratra azy. Ireto avy ireo Ray apostolika ireo: i [[Klemento avy any Roma]], i [[Ignatio avy any Antiokia]], i [[Polikarpo avy any Smirna]] ary i [[Papiasy avy any Hierapolisy]].

 

 

=== I Klemento avy any Roma ===

 

=== I Ignatio avy any Antiokia ===

Teraka tamin'ny taona 35 tao amin'ny faritanin'i Siria ary maty martiry tany Roma I Ignatiosy avy any Antiokia na Ignatiosy Teoforosy, izay dia [[eveka]] fahatelo tao [[Antiokia]], angamba teo anelanelan'ny taona 107 na 113, taorian'i [[Petera]] sy i Evodiosy (avy any Antiokia). Angamba mpianatr'i Petera sy [[Joany apostoly|Joany]] (na Jaona) izy, araka ireo taratasy apostolika nosoratany, izay anoharany ny maritirin'ny finoana amin'ny voambary voatoto tonga mofon'ny [[eokaristia]]. Ireo taratasy apostolilka nosoratany, izay namelatra [[teolojia]] voalohany momba ny [[eokaristia]], dia nahatonga azy hovoaisa ao amin'ireo Ray Apostolika (na Aba Apostolika) sy taranaka faharoa amin'ireo [[Rain'ny Fiangonana]] (Aban'ny Eglizy). Nosamborina noho ny maha Kristiana azy izy ka nentin'ny miaramila mpiambina nankany Roma izay niandrasany ny hanipazana azy tao amin'ny bibidia, nefa tsy fantatra ny fomba nahafaty azy.

 

=== I Polikarpo avy any Smirna ===

Evekan'i Smirna (Izmir ao [[Torkia]] ankehitriny) nandritra ny antsasany voalohany amin'ny taonjato faha-2 i Polikarposy avy any Smirna. Novangian'i [[Ignatio avy any Antiokia]] izy taloha kelin'ny hamonoana azy (taona 116). Tamin'ny faramparan'ny andro niainany dia nisolo tena ireo fiangonana any [[Azia Minora]] izy nandritra ny fivoriana tany Roma niaraka amin'ny [[papa Aniketo]] (155-166). Novonoina tao Smirna i Polikarposy tamin'ny faha-86 taonany. Araka an'i [[Ireneo avy any Logdanoma|Ireneo]], izay mpianany, dia niresaka tamin'i [[Joany (evanjelista)|Joany Evanjelista]], izay mety mpampianatra azy, i Polikarposy.

 

=== I Papiasy avy any Hierapolisy ===

Eveka tao Hierapolisy (any [[Frigia]]) tamin'ny antsasany voalohany amin'ny taonjato faha-2 i Papiasy. Niaina tamin'ny taona 60 hatramin'ny taona 163 izy.