Filazantsaran' i Tômasy: Fahasamihafan'ny versiona

Ny [[Filazantsaran'i Tomasy]] na Evanjelin'i Tôma dia filazantsara na evanjely tsy voaray ao anatin'ny [[Baiboly]] kristiana sady tsy ahitana afa-tsy izay atao hoe "tenin'i [[Jesosy]]" (λόγια / ''logia'' amin'ny teny grika; λόγιον/ ''logion'' raha milaza tokana) miisa 144. Nosokajin'ny Fiangonana Lehibe ho [[Apokrifan'ny Baiboly|apokrifa]] (na [[Pseodepigrafa (protetantisma)|pseodepigrafa]]) izy ka tsy hita intsony raha tsy tamin'ny Desambra 1945 tany Nag Hammadi any Ejipta. Ny ''logion'' tsirairay dia matetika no ialohavan'ny hoe "Hoy i Jesosy". Fifangaroana karazana lahateny io boky io ka ny "tenin'ny Tompo" tsirairay dia mety ho oha-pitenenana na tenim-pahendrena na tenim-paminaniana na teny momba ny andro farany na momba ny lalàna na momba ny fiangonana na fanoharana. Ny 79 amin'ireo "tenin'ny Tompo" ireo dia ahitana ny mifanandrify aminy ao amin'ny [[Filazantsara sinoptika]] - indrindra ao amin'ny [[Filazantsara araka an'i Matio|Filazantsaran'i Matio]] sy ny [[Filazantsara araka an'i Lioka|Filazantsaran'i Lioka]].