Ahaza: Fahasamihafan'ny versiona

I '''[[Ahaza]]''' na [[Ahaza|'''Akaza''']] dia mpanjakan'i [[Fanjakan'i Jodà|Jodà]] teo anelanelan'ny taona 735 sy 715 tal. J.K. Zanak'i [[Jotama]]<ref><small>Nanjaka tamin'ny taona 742-735 tal. J.K. i Jotama.</small></ref> izy. Izy no mpanjakan'i Jodà faha-12. I [[Hezekia]] na Ezekiasa zanany no nandimby azy.

Amin'ny [[Fiteny hebreo|teny hebreo]] dia soratana hoe אָחָז / Â''khâz'' ilay anarana. Fanafohezana ny hoe ''Ioakhâz'' (Joahaza na Joakaza) izay midika hoe "Iahveh mitazona" ny hoe ''Âkhâz''. Ny [[Septoajinta]] (Baiboly jiosy amin'ny teny grika) dia manoratra azy hoe Ἄχαζ / ''Akhaz'' ary ny [[Volgata]] (Baiboly katolika amin'ny teny latina) dia manoratra hoe ''Achaz''.

Ny [[Baiboly protestanta amin'ny teny malagasy]] dia manoratra hoe ''Ahaza'' fa ny [[Baiboly katolika amin'ny teny malagasy]] kosa manoratra hoe ''Akaza''.

Raha vao nanjaka izy dia notafihin'ny mpanjaka tao amin'ny [[Fanjakan'i Israely (Samaria)|Fanjakan'i Israely]] atao hoe [[Peka (mpanjakan'i Israely)|Peka]] (na Fasea)<ref><small>Nanjaka tamin'ny taona 737-732 tal. J.K. i Peka</small></ref> sy Rezina (na Rasima) mpanjakan'i Siria<ref><small>Nanjaka tamin'ny taona 742-732 tal. J.K. i Rezina.</small></ref> izay tsy nahazo fahafaham-po tamin'i Ahaza ny amin'ny tokony hiraisany hina hanohitra an'i Asiria. I [[Edoma]] koa dia nanafika an'i [[Fanjakan'i Jodà|Jodà]] tamin'ny andron'i Ahaza izay voatery tsy naharo ny tananan'i Elata ho azon'ny Edomita. Nitady vonjy tamin'ny mpanjakan'i [[Asiria]] atao hoe Teglata-Falasara III<ref><small>Nanjaka tamin'ny taona 745-727 tal. J.K.i Teglata-Falasara.</small></ref> i Ahaza mba hanampy azy hanohitra ny fahavalony. Resin'i Asiria tokoa i Siria sy i Israely. Izany no atao hoe [[ady siro-efraimita]] na [[Ady siro-efraimika|siro-efraimika]].