Fanandroana: Fahasamihafan'ny versiona

Ny [[fanandroana|'''fanandroana''']] dia fandalinana sy fampiharana ara-pinoana ny fifandraisan'ny zava-mitranga eto an-tany amin'ny toerana misy ireo zava-mitsingevana eny amin'ny lanitra toy ny [[Masoandro]] sy ny [[Volana]] ary ny [[kintana]] sy zavatra hafa koa. Ny mpanandro dia milaza fa ny toerana misy ireo zavatra ireo amin'ny fotoana ahaterahan'ny olona iray sy ny fifindran-toeran'ireo zavatra ireo dia ahafaha-mamantatra ny toetr'io olona io sady ahafaha-mamantatra mialoha ny hoaviny.

Ny fanandroana dia fanao efa nisy elabe hatramin'ny fahagola izay nivoatra tao amin'ny kolontsain'ny firenena maro samihafa tsy mifampiankina. Ny [[Kaldea|Kaldeana]] tao [[Babilona]] dia efa nampiasa fanandroana tany amin'ny 3000 taona tal. J.K. fa ny [[Sinoa]] kosa tany amin'ny 2000 tal. J.K. Tany amin'ny taona 500 tal. J.K. dia niely tany tany [[Grisia]] (na Gresy) ny fanandroana. Miresaka ny amin'izany ny filozofa toa an-dry [[Pitagora]]. Be mpanao tao [[Eoropa]] ny fanandroana nandritra ny [[Andro Antenantenany]], na dia nenjehin'ny [[Kristianisma|Fiangonana kristiana]] aza izany.

Akoatry ny [[Volana]] sy ny [[Masoandro]] dia ampiasain'ny mpanandro koa ny [[kintana]] sy ny platena[[planeta]]. Ireto avy ny anaran'ireo planeta fampiasa amin'ny fanandroana tranainy indrindra satria mora hitan'ny maso: i [[Venosy]], i [[Merkora]], i [[Marsa]], i [[Jopitera]] ary i [[Satorna]]. Nanampy azy ireo ny planeta hafa hitan'ny mpahay kintana taty aoriana toa an'i [[Oranosy]] (hita tamin'ny taona 1781), i [[Neptona]] (taona 1846) ary i [[Ploto]] (taona 1930).

Ampiasaina koa ny endriky ny fifandraisan'ny Masoandro amin'ny Volana na/sy ny planeta na/sy ny kintana, izany hoe ny zoro foronin'izy ireo (mifanindry: 0°, mifanohitra: 180°, mahitsizoro: 90°, sns.); torak'izany koa ny fifandraisan'ny Volana amin'ny zavatra hafa ([[kintana]], planeta) na ny samy planeta na ny samy kintana.

Ny [[antokon-kintana]] "andalovan'ny Masoandro" miisa telo ambin'ny folo na, raha ny tena marina, ny anaran'izy ireo, dia ampiasaina indrindra amin'ny fanandroana. Ireto ny anaran'ireo antokon-kintana ireo amin'ny teny latina ao amin'ny fanandroana tandrefana: ''[[Aries]]'' ("ondrilahy"), ''[[Taurus]]'' ("ombilahy"), ''[[Gemini]]'' ("kambana"), ''[[Cancer]]'' ("foza"), ''[[Leo]]'' ("liona"), ''[[Virgo]]'' ("virijina"), ''[[Libra]]'' ("mizana"), ''[[Scorpio]]'' ("maingoka"), ''[[Ophiuchus]]'' (na ''Serpentarius'' "mpitondra bibilava"), ''[[Sagittarius]]'' ("mpitondra tsipika"), ''[[Capricorn]]'' ("osy-trondro"), ''[[Aquarius]]'' ("mpitondra rano") ary ''[[Pisces]]'' ("trondro").

Ireto ny orim-bintana amin'ny teny malagasy mifandray amin'ireo: [[Alahamady]] (''Aries''), [[Adaoro]] (''Taurus''), Adizaoza (''Gemini''), [[Asorotany]] (''Cancer''), [[Alahasaty|Alahasady]] (''Leo''), [[Asombola]] (''Virgo''), [[Adimizana]] (''Libra''), [[Alakarabo]] (''Scorpio''), [[Alakaosy]] (''Sagittarius''), [[Adijady]] (''Capricorn''), [[Adalo]] (''Aquarius'') ary [[Alohotsy]] (''Pisces'').

Ny "planeta" tsirairay (isan'izany ny Volana sy ny Masoandro, izay heverin'ny mpanandro taloha ho isan'ny planeta) dia mifanandrify amin’ny eva manokana arakaraka ny toerana misy azy eo amin'ny [[ekliptika]].

Ny mpanandro dia namorona kisary atao hoe torovintana.

torovintaarovinta (horoskopa) ) izay mampifandray ny toeran'ireo zavatra eny amin'ny lanitra amin'ny fotoana iray, sy ny toetran'ny olona nateraka na hateraka amin'io fotoana io. Ny torovintana iray dia asehon'ny faribolana atao hoe ekliptika izay maneho ny lalana alehan'ny [[Tany]] rehefa mihodina amin'ny [[Masoandro]] mandritra ny iray taona.