Volambita: Fahasamihafan'ny versiona

== Fotoana tondroina amin'ny anarana hoe ''Volambita ''==

Tsy tokana ny laharan'ny Volambita (sy ny volana hafa rehetra miaraka aminy) fa miovaova isam-paritra na arakaraka ny mpilaza. Misy ny milaza fa volana voalohany ao amin'ny taona izy satria mifanandrify amin'ny [[lohataona]]. Ireo izay mankalaza taom-baovao malagasy lohataona dia milaza fa amin'ny 22 Septambra no anompbohananombohan'izany volana Volambita izany. Ny fankalazana ny fiandohan'ny lohataona dia lazan'izy ireo fa natao tamin'ny faritra maro teto Madagasikara. Misy ny milaza fa volana faha-11 izy<ref>[[wikt:volambita|''Wiktionary'', "Volambita"]].</ref>.

Raha [[Tetiandro manara-bolana sy masoandro|manara-bolana sy masoandro]] tokoa ny tetiandro malagasy mampiasa ny anaran'[[antokon-kintana]] avy amin'ny [[Fiteny arabo|teny arabo]] dia volana tokana na roa mifanarakaraka tsy miova no mifanandrify amin'ny Volambita. Araka ny filazan'ny sasany dia ny volana [[Adimizana]] no mifanandrify amin'ny Volambita. Misy koa anefa milaza fa ny volana [[Adalo]] no mifanandrify amin'izany<ref><small>Jobily Rakotoson, "L'art divinatoire, parole d'un sage", in ''Madagascar fenêtres'', p.95.</small></ref> <ref><small>[http://icalendrier.fr/calendriers-saga/calendriers/malgache "Le calendrier malgache"] ''iCalendrier.fr''</small></ref>.Raha [[Tetiandro manara-bolana|manara-bolana]] fotsiny ny tetiandro malagasy mampiasa ny anaram-bolana amin'ny teny arabo dia miovaova ny volanvolana mifandrify amin'ny Volambita fa tsy raikitra ka tsy miverina ny fifanandrifiana raha tsy afaka 33 taona gregoriana.

Milaza ny mpankalaza taom-baovao lohataona fa ny fiandohan'ny lohataona no tena taom-baovao malagasy satria miandoha na manomboka eo ny [[taona]]. Amin'ny maha fotoana fiandohan'ny taona azy indrindra, hoy izy ireo, no nanomezan'ny [[Ntaolo|Ntaolo malagasy]] azy ny anarana hoe ''lohataona'' (misy koa ny manao hoe ''lohatao'' na ''lohataogno''). Mbola hita taratra ao amin'ny anaran'ilay vorona atao hoe ''taotaonkafa'', ''kankafotra''na ''taotaokafo'' (anarana ara-tsiansa: ''Cuculus poliocephalus rochii''), izay ataon'ny [[Ntaolo]] malagasy fa manambara ny fahatongavan'ny taona hafa, izany hoe taona vaovao izany rehefa maneno amin'ny fiandohan'ny [[lohataona]]<ref><small>"Kankafotra" ao amin'ny ''Dictionnaire malgache et encyclopédie de Madagascar''.</small></ref>. Hita amin'ny angano izany<ref><small>"Le kankafotra et la vintrsy" ao amin'ny ''Agir avec Madagascar''</small></ref> ary hita koa amin'ny ohabolana<ref><small>"Proverbe: Kankafotra" ao amin'ny ''Dictionnaire malgache et encyclopédie''</small></ref> <ref><small>"Ohabolana misy teny hoe kankafotra", in ''Ohabolana.org''</small></ref>sy ny fitenenana maro<ref><small>"Taona, taon-kafa ... volan-kakafotra", ao amin'ny ''Newsmada''.</small></ref> <ref><small>Arnold Van Gennep, ''Tabou et totémisme à Madagascar'', Paris, 1904, p.263</small></ref> ary ny tonon-kalo<ref><small>Miarantsoa Anicet, "Tsy taom-baovao" ao amin'ny ''Tononkalo malagasy''.</small></ref> na hainteny<ref><small>Leonard Fox (ed.), ''Hainteny: The Traditional Poetry of Madagascar'', Bucknell University Press,U.S., 1990, p. 272.</small></ref> tranainy na vaovao.