Bokin' i Jôela: Fahasamihafan'ny versiona

Ny [[Bokin'i Joela]] na [[Bokin'i Joela|Bokin'i Jôely]] dia boky ao amin’ny [[Tanakh]] (Baiboly hebreo) sy ao amin’ny [[Testamenta Taloha]] ao amin’ny [[Baiboly]] kristiana. Iray amin’ireo atao hoe "mpaminany madinika roa ambin’ny folo" izy. Tetezamita mampitohy ny faminaniana israelita sy ny [[Literatiora apokaliptika|apokaliptika]] jiosy ny Bokin’i Joela. Ny boky dia mitantara ny fahorian'ireo Jiosy nody ao Joda avy any am-pahababoana, sy mirakitra ny faminanian'i [[Joela]] (na Jôely) izay mitaona ny vahoaka hibebaka sady mampanantena azy ireo fahasambarana ho avy amin'ny [[Andron'i Iahveh]].

Ny mpanao heviteny dia saika miray hevitra fa manodidina ny taona 400 tal. J.K. no nanoratana ny Bokin'i Joela. Porofon'izany ny fampiasana ny hoe "i Joda sy i Jerosalema", ny firesahana ny amin'ireo Jiosy any am-pielezana sy ny Grika, ny fampiasana lahatsoratra avy amin'ireo boky heverina fa voasoratra taoriana kokoa ary ny toetsaina mifantoka amin'ny fanompoam-pivavahana. Ny fisian'ny lohahevitra [[Literatiora apokaliptika|apokaliptika]] hita ao amin'ny toko faha-3 sy faha-4 dia manohana koa izany faminavinana ny fotoana heverina fa nahavitan'io boky io izany sariasatria ny lohahevitra [[Eskatolojia|eskatolojika]] dia mampiavaka ireo mpaminany taty aoriana.

Araka ny lovantsofina dia ny mpaminany [[Joela]] (na [[Joela|JoelyJôely]]) no nanoratra ny boky. Misy anefa ireo mpikaroka milaza fa hafa ny nanao ny toko roa voalohany ary olona hafa ny nanoratra ny toko roa farany. Nefa ny fikarohana amin'izao fotoana izao dia manohana ny maha tokana ny mpanoratra ny boky manontolo.

NyAo amin'ny fizaràna voalohany, ny mpaminany dia manoritsoritra ny fanimbana nataon'ny haintany sy ny valala tao an-tanàna izay niteraka fisaonana sy fitalahoana. Nitaona ny vahoaka hifady hanina tao amin’ny tranon’i [[Iahveh]] (Jehovah) sy hivavaka amin’Andriamanitra mba hahataperan’ny loza ny mpaminany. Fambara am-panoharana ny hahatongavan’ny [[Andron'i Iahveh|Andron’i Iahveh]] na ny Andron'ny fitsarana izany loza izany, hoy ilay mpaminany, ka fibebahana no hahavonjy azy ireo. Raha mibebaka izy ireo, dia hamono ny valala no sady hahatonga ny tany hahavokatra tahaka ny taloha ary hanao izay hahavoky ny vahoakany i Iahveh. Amin’izay ny vahoaka hahalala fa eo afovoan’i Israely i Iahveh.

Ao amin’ny fizaràna faharoa dia miova ny fomba fijery. Tsy zavatra azo tsapain-tanana mivantana no voaresaka fa ny amin’ny [[Andro farany|fiafaran’izao tontolo izao]] izay anoritsoritan'ny boky ny hahatongavan’ny Andron'i Iahveh sy ny tontolo vaovao. Maminany i Joela fa ho tonga ny fotoam-panafahana, izay hanaparitahan’Andriamanitra ny [[Fanahin'Andriamanitra|Fanahiny]] ho amin’ny nofo rehetra. Hisy famantarana eny amin’ny lanitra ary hanafika an’i Jerosalema ny firenena jentilisa izay hiangona ao amin’ny "lohasahan’ilohasahan'i Josafata" dia ilay lohasaha hitsaran’i Iahveh ny azy ireo. Rehefa afaka izany dia hahagaga ny fahavokaran’ny tany ao amin’i Palestina voaova. Hisy rano miboiboika hiditra ao amin’ny [[Tempolin'i Jerosalema|Tempoly]], ao Joda sy ao Ziona vaovao.