Andro: Fahasamihafan'ny versiona
Contenu supprimé Contenu ajouté
Pejy momba ny fotoana |
Nanitatra |
||
Andalana faha-1:
Ny [[andro]] dia fe-potoana na tsingerim-potoana miankina amin'ny tsingerim-pihodinan'ny Tany amin'ny tenany ka mahatonga ny [[masoandro]] hoatry ny mihodina amin'ny Tany. Izany tsingerina izany dia misy 24 [[ora]] eo ho eo ka ny fanombohany dia miovaova arakaraka ny fahazarana sy ny tetiandro ampiasaina. misy ny mampanomboka ny andro iray avy eo amin'ny fotoana ilentehan'ny masoandro fa misy koa ny mampanomboka an'izany amin'ny misasaka alina. Ventin-kalavam-potoana ampiasaina matetika handrefesana ny halavan'ny volana na ny taona ny andro.
Arakaraka ny tetiandro ampiasaina koa ny isan'ny andro ao anatin'ny [[herinandro]] ka ny be mpampiasa dia ny tetiandro ahitana herinandro misy fito andro. Ny iray andro koa dia voatsinjara ho maro na vitsy arakaraka ny fahazarana na ny tetiandro ampiasaina ka ny be mpiampiasa dia ny mizara azy ho 24 ora. Amin'ny ankapobeny dia samy manana ny anarany ny andro tsirairay ao anatin'ny herinandro ka miovaova arakaraka ny tetiandro sy ny fiteny ampiasaina izany.
Ireto avy ny anaran'ireo andro fito ao anatin'ny herinandro amin'ny teny malagasy: [[Alatsinainy]], [[Talata]], [[Alarobia]], [[Alakamisy]], [[Zoma]], [[Asabotsy]], [[Alahady]]. Ny Alatsinainy mety hisy hanoratra na hanonona hoe Tsinainy; ny Talata ho Atalata; ny Alarobia ho Larobia; ny Alakamisy ho Kamisy; ny Zoma ho Azoma; ny Asabotsy ho Sabotsy ary ny Alahady ho Lahady.
Ny herinandro iray dia mety hanomboka amin'ny Alatsinainy na ny Alahady arakaraka ny sehatra ampisana ny tetiandro.
Tsy mitovy ny isan'ny andro ao anatin'ny iray volana arakaraka ny laharan'ilay volana na ny tetiandro ampiasaina. Amin'ny ankapobeny dia misy 30 na 31 andro ny ao anatin'ny iray volana amin'ny [[tetiandro gregoriana]] na [[Tetiandro joliana|joliana]] nefa ny volana Febroary dia misy 28 na isaky ny efa-taona 28. Ny iray volala ao amin'ny [[Tetiandro nentim-paharazana malagasy|tetiandro malagasy]] dia matetika misy 28 andro. Ny tetiandro [[Tetiandro hebreo|hebreo]] sy [[Tetiandro silamo|silamo]] dia ahitana volana misy 29 na 30 andro.
Ny ao anatin'ny iray taona koa dia ahitana andro izay matetika mihoatra ny 300 ka ny farany ambony mety hihoatra ny 370 andro. Nisy ihany ny latsaky ny 300 andro toy ny tetiandro romana. Ny taona iray ao amin'ny tetiandro gregoriana, ilay ampiasain'ny ankamaroan'ny olona amin'izao, dia misy 365 amin'ny telo taona mifanarakaraka fa 366 andro kosa isaky ny efa-taona.
== Jereo koa: ==
* [[Taonarivo]]
* [[Taonjato]]
* [[Taompolo]]
* [[Taona]]
* [[Volana (fotoana)|Volana]]
* [[Herinandro]]
* [[Andro]]
| |||