Magy: Fahasamihafan'ny versiona

Ny teny hoe ''magy'' na ''majy'' dia avy amin’ny teny grika hoe μάγοις / ''magois'' izay avy amin’ny teny persana hoe ''maga'' na ''magis''.

 

Niseho tao amin’ny tontolo tandrefana io teny io nanomboka tamin’ireo taonjato voalohany ka nampiasaina hanondroana ireo niaraka tamin’ny fivavahan’i [[Zaratostra]] sady mpikarakara ny fanopoam-pivavahana amin’i Ahora Mazda. Ireo mpanoratra tranainy dia nanao an’ireo magy ho [[ombiasa]] ka izany no nahatonga ny fanao maizimaizina sy miafinafina ho asan’nireo magy ka atao hoe ''[[majika]]'' na ''magie'' amin’ny teny frantsay. Tsy izy ireo anefa no mpivavaka voalohany tamin’ny mazdeisma. Tsy voasoratra ao amin’ny [[Avesta]] ny anaran’izy ireo.

 

Raha ny amin’ny majika ataon’ireo magy iraniana indray no resahina dia zavatra tsy marina izany. Ireo mpanoratra grika tranainy izay nitady tahirin-kevitra momba an’i Iràna dia nifampiraharaha tamina magy efa nanana kolontsaina grika sy efa nonina tany Mesopotamia, tany Kaldea, tany Anatolia, sns ka efa nandray fomba amam-panao avy any ivelan’i Iràna. Noho izany ny filalaovana fanafody sy ny fanandroana izay tsy tian’i Zaratostra sy nozoniny tao amin’ny tononkira (gata) izay nataony dia noheverin’ny Grika sy ny Tandrefana rehetra ho fahaizana manokan’ireo mazdeana.

 

Ny magy na majy dia ilazan’ny [[Filazantsara araka an'i Matio|Filazantsara araka an’i Matio]] ireo mpivahiny izay notarihin’ny [[kintana]] iray avy any atsinanana ho any Israely mba hitsaoka ny Kristy vao teraka.

Miisa telo ireo magy namangy an’i [[Jesosy]] zaza.